Patriots ang hari sa Super Bowl 51
Gipakaging ang Atlanta sa overtime, 34-28
MINNEAPOLIS - Bulawan na nahimong bato pa. Naglawig na unta sa kampiyonato ang Atlanta Falcons apan napildi pa human giusikan ang 25 puntos nga labaw, 28-3, batok sa New England Patriots atol sa Super Bowl 51 nga giduwa sa NRG Stadium sa Houston, Texas.
Ang 25 puntos nga labaw sa Falcons nga may 8:31 ang nahabilin nga oras sa 3rd quarter gihinay hinayan pagkitkit sa Patriots ug gihuman ang duwa pinaagi sa 34-28 nga overtime win aron pag-angkon sa ika-5 nila nga titulo sa Patriots.
Tugob sa aksyon ang nahisgutang duwa sa sinugdanan diin naputos sa depensa ang matag kuponan hinungdan nga butlog ang scores human sa unang period.
Pag abli sa 2nd period ang Running Back sa Falcons Devonta Freeman yanong nibirada’g 6 puntos pinaagi’s touch down samtang nasulod ang extra point nga patid nga gihimo
sa kicker, 7-0 Falcons. Gisundan sa laing 6 puntos nga touch down gikan ni Tight End Austin Hooperug laing patid nga nasulod alang sa 14-0 nga labaw sa Falcons.
Nakailog sa bola si Corner Back Robert Alford sa Falcons ug iyang na touch down, extra gikan sa kicker nagbutang kanila sa 21-0 nga labaw.
Apan human natapos ang halftime, 28-3, ang Patriots pinaagi sa panagkumboya nila ni James White, Danny Amendola ug ang bayanihong mga puntos ni Tom Brady sa hinayhinay mikabat ug hangtod nga sa wala damha natabla, 28-28, ang score sa regulation
period nga maoy naghatod ngadto sa overtime.
Sa overtime, ang Patriots maoy unang nakamugna og touchdown nga maoy nakapadaog kanila diin sa samang higayon nakakulit og kasaysayan sa National Football League – The Greatest Comeback.
Si Brady maoy nahimong nahimong Super Bowl finals MVP.
Si NFL Commissioner Roger Goodell ang nitunol kagahapon sa Vince Lombardi trophy ngadto ni Patriots team owner Robert Kraft (tag-iya sa Kraft Group of Companies) ug ni veteran coach Bill Belichick. Samtang kon si Quarter Back Matt Ryan sa Falcons ang NFL 2016 MVP, si Brady usab sa New England Patriots ang Super Bowl MVP (Finals MVP).