Turismo sa Sugbo maapektohan?

POSIBLING makaapek sa turismo ilabi na sa mga Koreano nga nagplanong mobisita sa Sugbo kining pagdiskobre karon sa grupo sa Korean Mafia nga ania nagoperate dinhi sa Sugbo o pagduaw sa mga Korean tourist dinhi sa Sugbo ang taho nga dunay Korean mafia nga nag- operate ug mga Koreano ra usab ang mga pang biktimahon.

Sigun sa Provincial Tourism Office nga angayang hatagan gyud sa insaktong seguridad sa mga LGU ang ilang mga turista apan kinahanglang dili usab magpanagana pagtaho ngadto sa mga awtoridad kon duna kini illegal nga mga transaksiyon.

Giangkon ni Provincial Tourism officer, Boboi Costas, nga posibleng magduha-duha na hinuon ang mga turistang Koreano pagduaw sa Sugbo human gipahibalo ni Pres. Rodrigo Duterte nga duna diay Korean mafia nga nag- operate dinhi.

Nunot niini, gipadayag ni Costas nga angayan lang gyud nga mas palawman pa sa mga awtoridad ang ilang pakisusi sa coverage sa operasyon sa maong sindikato aron dili maduhig niini ang ubang mga Koreano.

Sigun sa Provincial Tourism Office, ang mga Koreano maoy nag-una nga mga turista o bisita dili lang dinhi sa Sugbo, kundi lakip na sa ubang bahin sa Pilipinas.

Gihulagway hinuon ni Costas nga nagpakabana kanunay sa ilang seguridad ang mga Koreano nga ania sa Sugbo.

Gani makita man nga mag-panon o mag-grupo gyud sila panahon sa ilang pagsuroy.

Subay niini, giawhag ni Costas ang mga lokalidad pagsiguro nga dunay igong seguridad nga mahatag sa mga Korean tourist o bisan sa mga bisita sa gikan sa laing lugar sa higayon nga moduaw sila sa ilang dapit.

Sa susamang higayon, kon mohimo sila ug mga binoang o illegal nga mga transaksiyon, kinahanglan usab nga isumbong kini dayon ngadto sa mga awtoridad.