Kontrobersya sa PDEA-7
KARON ang Philippine Drug Enforcement Agency ( PDEA ), na ang nagda sa manobela sa kampanya batok sa problema sa ilegal nga drugas ug wa nay labot ang Philippine National Police (PNP).
Kini human nakahukom si Presidente Rodrigo Duterte,sa paghunong sa “Oplan Tokhang” dihang nabulgar ang kalambigitan sa kapulisan nga mga sakop sa Antiillegal Drug Group apil na ang National Bureau of Investigation (NBI) sa pag-kidnap ug pagpatay sa negosyanting Koreano nga si Jee.
Tungod niini, wa nay sideline sa illegal nga panguwarta ang kapulisan karon. Aw nagtumpi tumpi man diay ang panguwarta sa kapulisan human gibulgar sa Amnesty International (AI) nga nakabasi sa nasud sa London nga ang pulis nga makapatay og drug pusher makadawat og kuwarta gikan sa PNP nga nagkantidad gikan sa P8 mil ngadto na sa P15 mil.
Samtang nakasugat sab og kontrobersya ang PDEA, sa kamatayon ni Niño “RR” Taboada, call center
agent ug registered criminologist nga ilang napatay human mireklamo ang pamilya niini nga naalaan. Atol sa interview sa programang Chatarsis sa radio station dyLA, mitug-an sa inyong ubos nga alagad si Rhosebelle Taboada, igsoon ni RR nga ang gipangita sa mga ahente sa PDEA, mao ang ginganlan ug J.R ang pusher sa ilang lugar.
Matud ni Rhosebelle, sa dihang niingon si RR diman ko si J.R gihandos ug pabalik sa sud sa kuwarto ang biktima ug ang ilang nadungog mao na ang buto sa armas ug ang ilang nakita patay na ang iyang igsoon.
Samtang si Supt. Joel Doria niangkon nga wa sa ilang listahan si Taboada ug mitanyag og tabang ngadto sa pamilya sa biktima. Apan si PDEA Director Yogi Ruiz niingon nga galamay si RR ni Jaguar.
Para nako, porbidang ka komplikado niining paagi sa kampanya batok sa problema sa drugas. Kay dul-an na sa 6 mil ka mga tawo ang nangamatay apil na ang
extra judicial killing pero wa pay klarong resulta sa imbistigasyon.
Karon ang PDEA maoy nagpadayon sa kampanya batok sa drugas. Way lalis atong gipaboran ang pagsumpo niining maong problema kay daghan na ang nahimong biktima.
Ang nakaapan gipasa na ngadto sa PDEA, samtang miangkon ang ubang pulis ngadto sa Amnesty Internationl nga sila gibayran ug ang uban kanila nag hire ug
killer aron lang maka kuwarta. Kaluoy intawon niadtong mga inosente nga napagan ug napatay kay ang tuyo aron lang maka kuwarta. Klaruhon ug han-ayon una unta kini sa presidente aron way sipyat ug ang balaod ang masunod.
Ang PDEA-7, basi sa record sa Commission on Human Rights (CHR) dunay tulo ka mga kasong giatubang may kalambigitan sa Extra Judicial killing (EJK) human miasumir si Duterte sa miaging tuig.
Akong gikabikil ang usa ka kanhi opisyal ug nahimo nang anhing nga akong kaila.
Ang hinungdan sa wa pagtuman sa ilang trabaho aron dakpon ang anak sa usa ka pulitiko nga bigtime
pusher sa usa ka lugar sa norte nga bahin sa Sugbo, mga upat na ka tuig ang milabay.
Sa akong pag- follow-up sa kalamboan sa report, mitubag ang akong amigo ( PDEA agent) nga di mahimong dakpon ang pusher kay tawo sa ilang team leader ug pito na ka pusher ang gipadakop. Asset diay sa PDEA ang pusher nga tawo sa ilang
team leader Mao diay di mahimong dakpon bisag kompetensya sa negusyo ang mga nadakpan. (efren_lonzon@yahoo.com Text: 09427930111)