Globe miayuda sa digital skills sa mga magtutudlo
SAMTANG ang kalibotan nahimo nang digital, ang edukasyon wala na lang magsalig sa mga libro, ballpen ug papel ug bisan sa lawak-saringan.
Pareho ang mga magtutudlo ug mga tinun-an nag-atubang og dakong hagit sa pagdala sa teknolohiya sa ilang pagtuon ug paghimo sa pagkat-on bisan asa ug bisan kanus-a.
Ang kausaban sa palibot nag-aghat sa Globe Telecom, isip lig-ong nag-adbokasiya sa edukasyon ug digital nga pagtuong, nagtukod sa PRISM, usa ka professional development program nga gidesenyo sa paghatag sa Filipino educators gikan sa pribadong high schools, labi na sa pagtudlo sa bag-ong Media and Information Literacy (MIL) subject sa Senior High School, nga makagamit sa technology-enabled instruction ug pagpalambo sa iyang unod sa pagtuon.
Kapin sa usa ka libo ka mga magtutudlo gikan sa mga prinbadong tunghaaan sa tibuok nasod ang gikatakda nga gipaabot sa three-week digital literacy program sa Globe, naglakip sa two-day immersive boot camp, blended project-based learning, ug personalized coaching.
Dunay boot camp sa Metro Manila, Naga City, Pampanga, Cebu City, ug Cagayan de Oro City, gikan sa Enero ngadto sa Hunyo ning tuiga.
Nag-unang bahin sa pagtuon mao ang access o pag-abot sa mga magtutudlo sa Brightspace Integrated Learning Platform. Ipa- enroll sila online ubos sa distance learning sulod sa tulo ka semana pinaagi sa global Brightspace Community.