Star, KaTropa sud sa semis
MINGABANTE sa semifinals ang Talk N’ Text KaTropa ug Star Hotshots human nila gipangbuntog og balik ang ilang tagsatagsa ka kontra sa quarter-finals sa Philippine Basketeball Association (PBA) Philippine Cup niadtong Lunes sa Araneta Coliseum.
Ang KaTropa ningpalagpot sa Global-Port Batang Pier pinaagi sa 9590 nga kadaugan sa main game samtang gipangmakmak sa Hotshots ang Phoenix Fuel Masters, 9171, sa premirong duwa.
Sa kadaugan, naangkon sa KaTropa ang katungod sa pagpakigharong sa No.1 team ug defending champion San Miguel Beermen alang sa best-ofseven semi-finals series.
Samtang ang Hotshots makigsangka sa midaog sa laing quarter-finals nga parisan tali sa Alaska Aces ug Brgy. Ginebra Gin Kings alang sa laing kombati sa semis.
Sa presstime, ang Aces ug Gin Kings padayon pang nagtinagakay gabii alang sa inilugay sa pagpakigsangka sa Hotshots.
Ang KaTropa ningsandig sa ilang mga beterano nga sila si Ranidel de Ocampo ug Kelly Williams aron pakgangon ang pagpanghdulat sa Batang Pier.
“The good thing is that our veterans stepped up today, specifically Ranidel and Kelly,” asoy ni TNT coach Nash Racela sa interbyu sa www. gmanews.tv.
“That’s actually the key for us to win – veterans stepping forward and delivering.” Puntos matag usa 1st game Star (91) Lee 17, Pingris 16, Jalalon 11, Sangalang 11, Maliksi 8, Barroca 7, Abundo 6, Ramos 6, Melton 5, Brondial 4
Phoenix (71) Wright 24, Enciso 12, Intal 10, W. Wilson 6, Borboran 5, Baguio 4, J. Wilson 3, Torres 3, Kramer 2, Alolino 2 2nd game Talk N’ Text (95)De Ocampo 25, Tautuaa 14, Rosario 12, Fonacier 10, Williams 10, Castro 9, Rosales 8, Pogoy 5, Rosser 2
GlobaPort (90) Romeo 22, Pringle 19, Quinahan 17, Cortez 10, Canaleta 7, Semerad 7, Maierhofer 4, Mamaril 2, Paredes 2.