Valentine’s gift ni Guardo
GIHATAGAN og sayo nga Valentine gifts ni Konsehal Jerry Guardo ang mga senior citizen sa dakbayan sa Sugbo kinsa maglisod na og lakaw.
Kagahapon si Guardo uban sa Mizuki Enterprise pinangulohan ni Haruo Iwanaga, usa ka Japanese national apan naminyo ni Joan Flores nga taga Sugbo niapudapod sa 10 ka mga wheelchair ngadto sa mga benepisyaryo sa Cebu City Medical Center.
Gipili ni Guardo ang CCMC isip venue sa iyang programa nga “Agak ni Guardo”sanglit duha sa mga nalandig sa maong tambalanan ang gihatagan sa slightly used nga wheelchair gikan sa Japan.
“Magpasalamat mi og dako kay consistent gyud ang iyang pagtabang kinsa maoy nagprovide sa mga wheelchair aron madayon ang distribution karong adlawa. Salamat boss Haruo ug Joan Iwanaga,” tipik sa pamahayMatod sa first termer nga konsehal sa siyudad nga bisan niadtong kapitan pa siya sa barangay SambagI, kanunay nga motunol sa iyang serbisyo si Iwanaga ngadto iyang tagi baryo ug bisan gani ngadto sa laing local government unit.
Si llolo Pedro Daso, residente sa SambagI kinsa dili na hapit kalakaw ug nagsalig nalang sa iyang sungkod aron maoy moagak kaniya mapasalamaton usab ni Guardo ni Iwanaga.
Wa say kabutangan sa kalipay ni Geremias Oporto taga Binaliw kinsa dili na kabarog ug naadmit sa CCMC gumikan sa wheelchair nga iyang nadawat.
Si Iwanaga sa iyang bahin nga kalipay niya ang pagtabang sa mga kabus ug iyang gibutyag nga sa hinapos ning buwan sa Pebrero, mohatag na usab sila og 100 ka sungkod gikan gihapon sa Japan.