Taga Bohol kandidato sa `Modelong Ama’
USA ka 36-anyos nga amahan gikan sa Barangay Daanlungsod, Mabini, lungsod sa Bohol maoy morepresentar sa Central Visayas alang sa National Search of Pantawid Pamilyang Pilipino Program (4Ps) Modelong Ama human nidaug sa regional competition.
Si Joelito Lastimoso amahan nila ni Mark Julius, 15; Jhon Denver, 12; ug Kenshin, 9, kinsa mga bata ubos sa 4Ps. Bana siya ni Lucia Lastimoso.
Sa batan-on pa, si Joelito “Toto” Lastimoso nahimong katabang sa balay sa edad nga 9-anyos nga nagbantay og puyo arong makakuwarta aron makatungha.
Napugos sa pagtrabaho bisan pata pa human nagbuwag ang iyang ginikanan ug ang iyang inahan nga si Fedila kabus usab ug labandera. PIto sila ka managsuon.
Natawo siya sa Hinobaan, Negros Occidental apan nagtubo sa Bayawan City, Negros Oriental.
Si Joelito nagtrabaho ug nagtungha usab..
Si Joelito sayo momata aron motabang sa iyang agalon sa trabaho sa balay ug magluto og “tikoy” nga iyang ibaligya sa tunghaan.
Bisan sa iyang kabusy, nakahimo pa siya sa pag-apil sa mga kali- hokan sa tunghaan ug nakatapos sa high school nga maayo ang grado.
Siya nigraduwar og second honorable mention sa Valencia National High School ug nakadawat og pasidungog isip outstanding Alpha Commander in Citizen Advancement Training.
Si Joelito kinsa dunay barog nga 4’11” dihang g high school nangulo sa kompaniya sa schoolmates nga mas taas pa niya ug nakaangkon og patahod tungod sa iyang dedikasyon ug desiplina.
“I wanted to earn a degree but the family I was working with can no longer finance my education because two of their children were also in college,” matod ni Joelito.
Determinado sa pagpanguta maayong kaugmaon, si Joelito niadto sa Manila sa edad nga 17 ug siya nihulip sa trabaho sa iyang igsuong babaye nga si Marites, kinsa naminyo, isip katabang sa nga nagbantay sa 96-anyos ngqa lalaki nga nitanag kaniya og scholarship sa AMA Computer Learning Center, Malabon Branch.
Nikuha siya og vocational courses in computer system and culinary arts.
“It was hard but I endured everything because I only have myself to lean on,” matod niya.
Human sa tulo ka tuiga nakatagbo niya si Lucia ug naminyo sa edad nga 20 sacivil rites sa Quezon City.
Si Joelito wala magtuo nga sayo maminyo apan wala siya magmahay.
“I have a loving and understanding wife, I couldn’t ask for more except for us to own a house where our children can comfortably live,” dugang niya.
Si Joelito nagbayad karon sa gamay nga luna nga gipanag-iya sa kabanay ni Lucia.
Nibalhin sila sa Bohol niadtong Enero 3, 2008 dihang si Joselito nadistino nga chef de partie sa usa ka resort sa Panglao Island. Nakatapos siya og specialties sa Asian cuisine.
Si Lucia lumad nga taga Mabini hinungdan sa pagkuha ni Joselito sa opurtunidad nga mobalhin sa pagtrabaho sa lalawigan sa Bohol.
Siya nakatrabaho sa daghang resort sa Panglao nga layo sa Mabini. Isip produkto sa broken family, gusto niya nga kanunay maduol sa pamilya.
Niadong 2016, niundan siya sa trabaho ug nag-abli og karenderiya sa ilang dapit. Tungod sa iyang kasinatian sa pagluto, daghang mangaon sa iyang karenderiya tungod sa lamiang sud-an.
“It was hard to leave my job but it was harder being far from my family especially that I got three boys,” Joelito disclosed.
Ang karenderiya maoy gisaligan sa pamilya samtang wala niya pabug-ati sa trabaho sa balay ang iyang asawa.
Ang Modelong Ama ng Pantawid Pamilya gitumong sa pag-ila sa mga lalake o amahan nga kampiyon sa relasyon sa pamilya ug kalihokan sa komunidad.
(PR)