Singgit sa Ginebra fans: ‘Calvin, nganga!’
ADUNAY gibuhiang pasumbingay si Alaska forward Calvin Abueva nga alang kaniya usa sa mga hinungdan sa laing kapildihan sa Aces batok sa Brgy, Ginebra, 97108, sa miaging gabii sa Philippine Basketball Association (PBA) Philippine Cup quarter-finals.
Sa kapildihan, hingpit nga nausik ang twice-tobeat nga bintaha sa Aces ning maong panagparang ug ang ilang pagpanamilit tata’wng wala dayon madawat ni Abueva.
Ang gitawag og “The Beast” nagmangtas unta ug nagpabuhagay kini’g 29 puntos ug 13 rebounds unya nidugang pa og 23 puntos si Vic Manuel apan wala gihapon magsilbe ang Aces sa maayong gipakita sa Gin Kings.
Sa post-game interview, nagpasumbingay si Abueva sa media nga napatik sa ABSCBN Sports: “Hanggang sa dulo, may kasama. Hindi natin alam kung sino. Basta kami, naglaro kami ng maayos.”
Hinuon giangkon ni Abueva nga ligon sab gyud og puwersa ang Gin Kings apan aduna gihapon siya’y pakapin nga pasumbingay.
“Siyempre alam naman natin na malakas ‘yung kalaban. Malakas pati sa taas. Wala na tayong magagawa,” dugang ni Abueva, kinsa naila sa iyang mga ‘palagot sa kontra’ nga binuhatan.
Sa hinapos nga bahin diin naseguro na sa Gin Kings ang kadaugan, gilabay sa linibong mga sumosunod sa Ginebra ang ilang atensyon ngadto kang Abueva aron sungugon ang kontrobersyal nga magduduwa pinaagi sa pagsinggit og “Calvin, nganga!”
Apan alang kang Alaska coach Alex Compton, wala’y laing rason sa ilang kapakyasan kon dili ang maayong gipakita nga duwa sa Gin Kings.
“They deserved it,” batbat ni Compton. “It’s reality. I wish I could have done something to make it different, but they just beat us. They played really well. So credit to them.”