Harden bida sa Rockets

NAGPAKATAP og 25 puntos ug 13 assists si James Harden aron pangulohan ang kadaugan sa host Houston Rockets batok sa Orlando Magic, 128104, kagahapon sa National Basketball Association (NBA).

Ang Rockets ningsulbong sa pagmugna og 23 puntos sa sayong bahin sa duwa apan hinayhinay kining gikitkit sa Magic.

Ang turnaround jumpshot ni Serge Ibaka sa tungatungang bahin sa 4th quarter maoy nakapakahak sa labaw sa Rockets ngadto na lang sa siyam ka mga puntos.

Hinuon nanginit og balik ang opensa sa Rockets aron inaton og balik ang ilang labaw.

HORNETS 111, NETS 107

NINGMUGNA og 17 puntos matag usa sila si Kemba Walker, Nicolas Batum ug Marco Belinelli aron agakon ang host Charlotte Hornets sa kadaugan batok sa Brooklyn Nets. Ning kombatiha, ang Hornets nagpagawas og balanseng ataki aron sagubangon ang pagpanghudlat sa Nets. ito ka mga magduduwa sa Hornets ang nakamugna og doubledigit nga puntos.

TRAIL BLAZERS 114, MAVERICKS 113

NAKAMUGNA og puntos si C.J. McCollum sa nahabiling 0.9 segundos aron agakon ang Portland Trail Blazers sa kadaugan batok sa Dallas Mavericks. Gipangulohan ni McCollum ang kadaugan pinaagi sa iyang 32 puntos samtang nidugang og 29 puntos si Damian Lillard. Ang Mavericks gipangu ni Harrison Barnes pinaagi sa iyang 26 puntos samtang nihatag og 25 puntos si Dirk Nowitzki.