Ginebra sulod sa semi-finals
Duwa karon 7:00 pmGinebra batok Star (semis)
GIUSBAN paghubog sa Brgy. Ginebra Gin Kings ang Alaska Aces, 10897, aron hingpit nga palagputon ang ilang twice-to-beat nga kontra sa quarter-finals sa Philippine Basketball Association (PBA) Philippine Cup sa miaging gabii sa Araneta Coliseum.
Sa kadaugan, naangkon sa Gin Kings ang katungod sa pagpakigbatok sa Star Hotshots alang sa kaugalingon nilang best-of-seven semi-finals series nga sugdan karong gabii.
Sa kasaysayan sa PBA, ang Gin Kings maoy ika12 nga team nga hingpit nga nakapukan og kontra nga adunay twice-to-beat nga bintaha sa playoffs.
Ang Gin Kings naggukod sa sayong bahin sa kombati apan hinayhinay nilang nakontrolar ang duwa sa 3rd quarter bisan wala ang usa sa ilang mga sinaligan nga si Joe DeVance, kinsa adunay angol.
Nimugna si LA Tenorio og careerhigh 31 puntos aron pangulohan ang kadaugan samtang si Aljon Mariano, kinsa maoy gipunit ni coach Tim Cone aron mohulip sa luna ni DeVance, niamot og 20 puntos.
Maayo sab nga nakaduwa si Kevin Ferrer ug niamot kini’g 15 puntos alang sa Gin Kings.
“We picked the best time play our best game of the conference,” matod ni Cone. “If I had to pick an opponent among the higher seeds, Alaska would be the last one. But I don’t know. Our guys found ways.”
Tatawng nakailog og momentum human sa ilang 8581 nga kadaugan sa premirong duwa, ang Gin Kings nagbangis sa 3rd quarter aron iposte ang 8975 nga labaw.
Sama sa naandan, ang Aces gipangulohan ni Calvin Abueva pinaagi sa iyang 29 puntos ug 13 rebounds samtang nihatag og 23 puntos si Vic Manuel. Puntos matag usa Ginebra (108)Tenorio 31, Mariano 20, Ferrer 15, Thompson 10, Mercado 9, Ellis 9, Marcelo 7, Cruz 5, Aguilar 2
Alaska (97)Abueva 29, Manuel 23, Casio 10, Racal 8, Pascual 6, Galliguez 6, Exciminiano 5, Thoss 4, Cruz 3, Dela Cruz 3.