Grabe ang Fifty Shades Darker

MODERN day pornographic film. Mao ni akong judgment sa sequel sa Fifty Shades Triology o ang Fifty Shades Darker. Warning, if di ka ganahan ma spoil, ayaw’g basa kay kaslunon sila sa Freed, klaro kaayo.

Oh! Diba, wa tika gi- spoil. Kon wala pa nimo natan-aw ang R-18 nga salida, daghan kini’g sex scenes itandi sa unang Fifty Shades.

Matod pa sa direktor sa maong salida nga si James Foley atol sa interview niini nga bisan og wala ka mitan-aw sa Grey, makasabot ra gihapon ka sa estorya.

Tinuod, kon wala’y Grey makabarug ra gihapon ang estorya. Itandi sa unang Fifty Shades, mas intense ang pakighilawas nila ni Anastasia Steele (Dakota Johnson) ug Christian Grey (Jamie Dornan) sa usa’g-usa. Everyday indae! Yes! Nagkabalik sila si Ana ug Christian ug anaa na magtrabaho si Ana sa usa ka publishing company. Daghang natubag nga mga pangutana nga hanging sa unang Fifty Shades. Karon sa ikaduhang salida, nigawas na ang role ni Elena Lincoln o si Mrs. Robinsons (Kim Basinger) ug si Leila Williams (Bella Heathcole).

Mao kini ang duha ka mga babaye nga hulga sa relasyon sa duha diin mao kini ang kaniadto aduna’y kasaysayan ni Christian.

Apan gawas niini, ang boss ni Ana sa publishing company nga si Jack Hyde (Eric Johnson) nga nagkagusto niya usa usab sa angay atngan sa sunod nga salida tungod kay aduna kini’y plano nga manimawos.

Kon nakabasa na ka sa tulo ka mga libro ni E.L. James, makasabot ka.

Apan lahi gyud ning ang mabasa nato, makita nato sa big screen. As usual, ang ibabaw nga parte ni Ana makita apan, ayaw pagdahom sa kang Christian, wa kay makita. Wa! Masakitan ra ka.

Kinahanglan kang motanaw aron makasabot ka sa akong gipasabot.

By the way, sa Sugbo ang Ayala ug Robinsons lang ang nagpasilida niini tungod sa R-18 nga rating.