Duga sa kinatawo sa babaye gihimong perfume
DAGHANG mga eksperimento karon ang gibuhat sa mga tawo aron lang adunay mga tawo ganahan kanila.
Niini, adunay mga tawo pinaagi sa science nangita og mga nagkadaiyang sagol aron ibutang sa perfume diin ilang makuha ang pagtagad sa laing tawo pinaagi sa ilang baho.
Si Allison Ramirez nidesider nga mohimo og eksperimento pinaagi sa paghimo og perfume gikan sa duga sa iyang kinatawo
“I wore perfume made from my vagina to see if it would get me better dates,” matod ni Ramirez nga gikutlo sa taho sa Mirror News.
Mao kini ang ulohan ug nalatid sa gisuwat ni Ramirez sa magazine nga Cosmopolitan.
Nagbase si Ramirez sa Los Angeles isip manunuwaty ug artista diin nakadesider siya nga buhaton kini nga lahi nga paagi aron maganahan kaniya ang mga lalake.
Ang iyang pagtuo nagbutyag nga ang paggamit sa duga sa iyang kinatawo maoy sekreto sa kababayen-an.
Matod sa The Joy of Sex, ang mga kababayen-an mogamit og perfume ug ilang ipahumot sa importante dapit sa lawas diin adto sila simhuton.
Ning iyang eksperimento, nidesider si Allison nga pun-an pa kini pinaagi sa iyang pagkonsulta sa Institute for Art and Olfaction.
Giingnan siya sa founder ug direktor nga si Saskia Wilson-Brown nga ang duga sa lawas diin magamit sa iyang formula kay di kini maayo.
Apan, wa kini nagpasabot nga kon isagol kini sa uban nga duga di kini mahimo.
Sa kang Allison, gipabug-atan niya ang baho nga gitawag niya nga “Christmassy” nga gisagulan og cedar, rose ug baho sa iring.
Niini, migamit siyag gapas aron mokuha sa duga sa iyang kinatawo dayon gisagol sa perfume unya gibanyos sa mga nagkadaiyang parte sa lawas.
Gisuwayan kini ni Allison nga kombinasyon sud sa tulo ka okasyon.
Ang unang higayon adunay siyay “double-date” diin niabot sa higayon nga nakighawok siya sa photobooth ug ang iyang ka- date nidayeg sa iyang kahumot.
Ikaduhang higayon dihang ningadto siya sa gasolinahan unya ngadto sa McDonalds diin nainteresado sa baho ang cashier.
Sa katapusang higayon, ang pipila ka adlaw, si Allison namutang niini kay adunay siyay date atol sa pamahaw ug ang tawo nga iyang gika- date nihangyo kaniya nga magkita sila pag-usab.
Nunot sa resulta, nagtuo siya nga wa na kinahanglana nga magbutang og lipstick o mohimo sa ubang paagi aron makuha nimo ang atensiyon sa imong gusto apan pinaagi sa iyang gihimo nga perfume daghan interesado kaniya.