Babaye gisugba gabaga nga kayo

GIKUPTAN sa bagang duot sa mga tawo ang usa ka babaye nga gisuspetsahan nga misugod sa sunog nga niresulta sa kamatayon sa duha ka tuig nga batang lalake unya gisugba siya sa nagbaga nga kayo.

Ang 30 anyos nga babaye gidakop nunot sa sunog didto sa Novo Aripuana, Brazil.

May grupo sa moabot 500 ka mga tawo ang miadto sa police station ug giguba ang pultahan sa buhatan sa prisohan una gidala sa gawas.

Ang mga tawo nisunog sa mga sakyanan ug ilang giduot ang babaye sa nagbagang kayo diin gigunitan ang iyang buhok.

‘’The Civil Police requested reinforcements from the Military Police Command (CPM), which sent a troop of full military police in Borba, a municipality 151 km away from the capital, and eight other police officers of the Command Special Police (CPE) of Manaus, by means of a chartered aircraft,” matod sa pamahayag sa Amazonas Civil Police nga gikutlo sa Mirror News.

Ang babaye gidakop nunot sa pasangil nga iyang gituyog og sunog balay diin may pito ka tawo nga nagpuyo niini unya tulo ang mga bata.

Ang dos anyos nga batang lalake nasunog nga buhi hinungdan nga nasuko ang mga tawo.

Gikwestyon ang babaye apan wa pa siya pasakahi og kaso dihang giadto kini sa mga masuk-anon nga mga tawo.

Ang kapulisan midala sa suspek sa hospital aron matambalan kini ug ibalik ra usab kini sa police station apan di na ipahibawo kon asa aron di na kini atakihon sa mga nasuko nga tawo.