Ang kaayuhan sa lawas sa langoy
ANG paglangoy makatabang sa imong lawas aron mawala ang tambok ug mamintenar ang imong timbang. Ang swimming maayo pud sa bukton, tiil, tiyan ug likod aron magama ang imong kusog ug endurance.
Ania ang mga bentaha sa imong lawas kon regular ang paglangoy. 1. Tibuok lawas ang maensayo
Magamit ang muscles sa tibuok lawas inig swimming. Sa imong mga stroke, magamit ang muscles sa bukton ug ang scissoring movement gamit ang mga bitiis mopwersa sa imong lawas nga mogamit sa muscles niini. 2. Mamintenar ang imong maayong timbang
Ang paglangoy maayong pamaagi aron makontrolar ang imong timbang. Ang average nga paglangoy makawa og 200 calories sud sa 30 minutos. Ang general rule nga kada 10 minutos sa pag swimmming: ang breast stroke makapawala og 60 calories: ang backstroke makapawala og 80 calories; ang freestyle makapawala og 100 calories ug ang butterfly stroke makapawala og 150 calories. 3. Makaubos sa risgo sa sakit sa kasingkasing.
Ang paglangoy makatabang sa kasing-kasing sa pag pump nga makaseguro sa maayong dagan sa imong dugo sa tibuok lawas.
4. Mapaubos ang simtomas sa asthma. Pipila ka pagtuon nagpakita nga ang paglangoy makahuwas sa simtomas sa asthma. Base sa pagtuon sa grupo sa mga bata, nga nakahuman sa unom ka semanang programa, nagpakitang nilambo ang ilang mouth-breathing. Makatabang sab ang swimming sa pagpataas sa volume sa abaga ug tarong nga pagginhawa. 5. Makontrolar ang blood sugar. Ang paglangoy makakusgan sa dagkong muscles sa lawas nga importante sa pagkontrolar sa diabetes. 6. Makapawa sa stress
Makaayo ang paglangoy sa stress. Ang contact sa tubig makapakalma sa lawas ug huna-huna. Base sa pagtuon nga nagpakita nga ang paglangoy nga makabaliktad sa kadaot sa utok tungod sa stress nga adunay tawag nga hippocampal neurogenesis. Diana Grace G. Pila USJ-R Communication Intern (www.ehealthzine. com/swimming-benefits-8-reasonswhy