Mga natural nga paagi sa pagpaputi sa ilok
ANG pag itom sa ilok dili kana sakit, apan nakahatag kini og kauwaw hilabi na sa kabatan-onan. Kon ikaw babaye, basin mauwaw naka mosuot og sleeveless nga sinina kon ang imong ilok itom. Adunay say mga lalake nga mauwaw usab mag hukas sa ilang senina tungod sa ka itom sa ilang ilok. Apan adunay solusyon niini kon unsaon pagpa-puti sa ilok aron malikayan ang kauwaw. Ania ang hinungdan sa pag itom sa ilok kanunay nga pag shave Pag gamit og cream sa pagkuha og buhok sa ilok Grabe nga singot Pag gamit og deodorant nga wala niuyon sa panit
Ang pag itom sa ilok usa pod sa sintomas sa mga sakit sama sa diabetes, sobra sa pagka-tambok ug hormonal imbalance. Kon ang pag itom sa imong ilok hinungdan niining mga mga kondisyona, dapat kini ikonsulta sa doktor. Ania ang pipila ka mga pamaagi sa pagpa-puti sa ilok.
KALAMANSI
Ang kalamansi o lemonsito nailhang pangpa-puti sa panit ug adunay abilidad nga makapatay og mikrobyo. Mao kini ang gigamit sa pag tambal sa sakit-sakit sa panit apil na ang pagtanggal sa ka itom sa ilok. Ang kalamansi o lemonsito nakapauga sa panit busa ayaw hikalimti pagbutang og moisturizer kon maggamit niini sa pagpa-puti sa ilok.
Para mawala ang kaitom sa ilok, maghiwa og kalamansi ug ipahid sa ilok sud sa pipila ka minuto. Para mas epektibo kini, butangan og asukar ang kalamansi sa dili pa ipahid. Buhata kini adlaw-adlaw para mabalik ang kaputi sa ilok.
BAKING SODA
Ang baking soda pwede himuon pampahid para sa pagpaputi og ilok. Makatabang kini sa pag wagtang og dead skin cell nga maoy hinungdan sa pag itom sa ilok.
Isagol ang tubig ug ang baking soda. Ipahid ang paste sa ilok nga gihimong panghilod. Limpyohan ug paugahon . Buhata kini sa makadaghan. Mahimo pud isagol ang baking soda ug ang cornstarch ug ipahid sa kalawasan para makuha ang baho sa lawas.
PANIT SA ORANGE
Pareha sa kalamansi, ang panit sa orange pwede gamiton nga pampaputi sa ilok. Naghatag kini og bitamina nga pamputi.
Ibuwad sa init ang panit sa orange ug paugahon. Pinu-pinohon kini para mahimong pulbos.Isagol sa tubig ug gatas para mahimong paste.Gamita kini pang kuskus sa ilok ug biyaan kini sa pipila ka minuto. Banlawan kini og tubig . Buhaton kini katulo sa usa semana.
Jenny Marie Bontuyan USJR Commucication Intern