#Hugotlines
ANG pag-obserbar sa Valentine’s Day dili lamang sa mga managhinigugma-ay. Sama sa Christmas puwede man usab kitang maka- greet sa atong mga higala o sa atong mga kabanay. Pero ang pagpakigdate alang lang gyud sa mga managhinigugmaay o magtiayon. Red color ang modominar karon nga mga dayan-dayan sa mga opisina, restaurants, hotels ug mga motels. Ang red nagkahulugan ug gugma og pagminahalay. Siguradong fully booked na ang mga motel sa pagkakaron. Gipaabot usab nga mapuno ang mga restaurant ug dugukan ang mga lugar nga kasagarang adto mag-date ang mga managhinigugmaay.
#HUGOTLINES
Ug kay Valentines Day man lagi karon, palain usa ta. Uso karon ang mga love notes o dedication. Kining gi-ingon nilang “hugot lines” sa mga batan-on.
Ang pinaka- popular nga hugot lines sa Facebook mao kining “Nagmahal, nasaktan, nag- move on.” Pero niay daghang mga Binisaya. Sama aning mosunod:
- Ang akong gugma nimo morag traffic sa Mandaue, nagkadugay, nagka-grabe, nagkahuot.
- Ang imong gugma morag skywalk ni Congressman Raul Del Mar. Ngano man? Sige kag ingon, “for you, with you, always.”
- Ayaw’g kahibung kon biyaan ka sa imong uyab kay gikapoy na siyag sulti ug sorry bisan dili niya sala.
- Proud ka kay guapo/guapa ug love daw ka sa imong uyab. Apan, ikapila ka sa lista?
- Giyabo nako tanan ang akong gugma ngadto kaniya apan wala ko mahibalo nga nalumos na diay siya. Mao to nga gi- rescue siya sa lain og sila maoy nag-uban karon.
- Dili tanang guapa taken. Huna-hunaa nga single pa ko.
- Jeep ka? Ngano man? Gipara man god nimo ang akong kasing-kasing.
- Gibuhat na nimo ang tanan apan morag wala ra gihapon sa iyaha. Aw, undangi na basin nagtuo siya nga siya ray tawo sa kalibutan.
- Ang relasyon morag teleskopyo kon dili nimo tarungon og focus, mo- blur gyud.
- Higugmaa siya pero ayaw lang pod og kompiyansa kay basin og giilad ra ka.
- Dili man unta ka Google. Pero ang tanan nakong gipangita naa naman nimo. - Priority tika, unya option lang diay ko nimo. Paet! - Ayaw ipamugos ang imong gugma sa lain, sa ako na lang aron dili ko malain.
- Ang babaye kon ma- inlove imong makita sa iyang smile. Apan kon ang lalaki ma- inlove imong makita sa iyang mga mata.
- Ayaw anara ang imong kaugalingon nga ikaw maoy kanunay masakitan. Pagkat-on ug biya aron imong makita ang imong kalipay.