Happy Hearts Day, Cebu!
ESPESYAL karon ang Valentines Day sa Kapamilya fans kay naa ang LizQuen karong adlawa, Martes, Feb. 14 alang sa mall tour sa ilang upcoming movie “My Ex and Whys” nga ipahigayon sa SM City Cebu, 4 p.m. ug SM Seaside, 6 p.m.
Yes, dili lang usa kundi duha ka libreng shows ang himuon nilang Liza Soberano ug Enrique Gil sa Cebu aron i- promote ang Valentines movie offering nila sa Star Cinema.
Ang “My Ex and Whys” showing na gyud ugma, Miyerkules in over 250 theatres nationwide.
DINNER DATE
Ang mga fans nangutana kon madayon ba ang plano sa LizQuen nga Valentines dinner date unya sa Trattoria da Gianni, ang restaurant ni Matteo Guidicelli sa Crossroads, Banilad.
Sa akong nahibaw-an fly-in, fly out ra ang LizQuen sa Cebu. Sa ato pa, inig kahuman sa promo tour, balik ra sad dayon sa Manila kay naa pa silay grand premiere sa SM Mega Mall ugma.
Ibutang nato mahuman ang ilang show sa SM Seaside, 7:30, mobiyahe pa sa Banilad nga puwerte ra bang trapika ron kay Valentines, mangaon pa, apike na.
Unsay tan-aw nimo Ms. Josie S. Pereyra, naa pa’y time for dinner date? Ang tubag ni Ms. JSP-- “10 p.m. ang flight nila sa Manila karong gabii. Let’s see!”
REX SMITH
Niadtong Sabado, wa tuyoang nakalabay ko sa The Gallery sa Ayala Center ug tayming nga dunay libreng pre- Valentine concert ang American singer nga si Rex Smith.
Naminaw ko og pila sa iyang mga kanta sama sa “Forever,” ug own versions niya sa “Buttercup” ug “Don’t Give Up On Us”.
Fan ko ni Rex Smith sa una pero karon nausab na ang iyang kinantahan. Lain na paminawon maora’g pirme lang mangisog. Wala na ko motiwas human sa iyang ikatulong kanta.
Niadtong 2012, na-interbyu ni nako si Rex Smith atol sa Valentine concert gihapon to nila ni Dan Hill ug Jimi Jamison (ang lead singer sa Survivor nga namatay niadtong 2014) sa Waterfront Hotel. Pero wala madayon si Jimi sa maong concert.
Upat na ang nahimong asawa ni Rex Smith ug dili ikahibong kay bisan sa edad nga 61 kusog gihapon ang iyang sex appeal.
ASA MAG-DATE?
Karon nga Valentines, pinaka da best sa balay na lang. Molaag ka ron, dugang lang ka sa traffic.
Kanang manglaag sa Valentines maayo lang na sa mga dalaga ug ulitawo o mga misis ug mister nga ang mga partner tua sa layo.
Sa balay, mas relax ug mas makapatuyang ka sa imong gibati: makapatukar ka sa gusto nimong mga kanta, motan-aw sa mga paborito ninyong salida, hamugaway, puwede ka moinom taman sa inyong gusto, mas safe ug labaw sa tanan, menus og gasto. Da best. Hehe…
Happy Valentines Day, Cebu!