Valentines Challenge Cup 10-Ball sugdan
GIPAABOT nga modagsa ang mga Sugboanong bilyarista ug sa siingang dapit karong gabii diha sa Kiosk 8-Ball Billiard Hall sa Osmena Boulevard, dakbayan sa Sugbo sa dihang sugdan untop alas 6 ang takna ang Valentine’s Challenge Cup 10-Ball tournament.
Si World Boxing champion Donnie “Ahas” Nietes, maoy pinasidunggang dinapit sa opening day ug maoy mohimo sa ceremonial break uban ni Cebu City councilor Jerry Guardo, ang chairman sa committee on Youth and Sports sa konseho, ug ni Buanoy barangay Captain Clyde Seblos sa lungsod sa Balamban.
Ang torneyo mosunod sa naandan nga format diin himuon ang upat ka adlaw nga elimination round.
Kini sugdan sa Pebrero 14, 15, 16 ug 17 samtang ang Top 16 ug championship game duwaon sa petsa 18 ning buwana.
Ang top four sa matag elimination series maoy moqualify sa Top 16 alang sa knockout stage nga maoy modeterminar kon kinsa ang mag-abot sa finals.
Gawas sa ganting salapi aduna usay championship trophy ang makampyon sa torneyo.
Ang champion makabulsa og P15,000 ug P5,000 alang sa runner-up. Ang third ug fourth placers aduna usay madawat nga tag P3,000 ug P2,000.
Samtang ang masulod sa Top 12 makasiguro na usab og tag P200. Ang entry fee nagkantidad og P200 samtang P150 ang re entry.
Ang mga tigpasiugda nga pinangulohan ni Allan “Colonnade” Milan naglaraw usab nga mohatag og mga gift packs pinaagi sa raffles alang sa mga partisipante.
Aron paghatag og kaikag sa torneyo, adunay libre nga re-entry fee alang sa duha ka mga partisipante sa matag elimination round.
Kini ipaagi sa raffle draw sa mga partisipante nianang adlawa.
Hinuon ang mo-qualify kadto lang sayo nga makaparehistro ug kadto ra usab nga anaa na sa venue gikan sa alas 6 sa hapon hangtod sa alas 8 sa gabii.
Hugot nga miitsa sa ilang suporta sa lima ka adlaw nga kompetisyon mao sila si councilor Jerry Guardo, kinsa maoy chairman sa committee on youth and sports sa konseho, ug ingon man si Barangay Captain Clyde Seblos sa Buanoy, lungsod sa Balamban. Alang sa dugang detalyi mahimong mokontak o mo text lang ni Milan pinaagi sa iyang cellphone number 0939-358-5605.
(PR)