Daghang FB accounts

Dear Papa Joe,

Tawga lang ko og Ms. Yhang, 21, taga Mandaue City. Naa koy uyab, taga Davao pero naa diri sa Cebu nag- work.

Akong problema kay daghan kog account sa Facebook, lima ka buok. Dugay na nako gibuhat. Naay time nagprenda ko sa cell phone, then nag

open ko sa Facebook. Wa nako na- logout then naay time nanghulam akong boyfriend sa akong cell. Akong gipahuwam. Pag-adto nako sa iyang

boarding house nasuko siya. Gipangutana nako. Iya kong giingnan nga bakakon ug nagmata ra siya og buntag.

Ako siyang gipasabot kabahin sa akong Facebook nga dugay na, sa wa pa mi magkauyab. Wa siya maminaw ug naglagot siya. Nasuko pud siya kay gi- block nako siya.

Bisan naa koy laing Facebook, Papa Joe, wa koy sekreto. Total dugay na sab to nga Facebook account. Magbuwag unta mi. Kon di ako ang mo- decide, siya ang mohukom. Wa ko modesisyon tungud sa akong dakong gugma niya. Nagsige na lang ko og hilak ug nangayo og sorry.

Naulian siya pero naa siyay gibuhiang pulong nga bati kuno ko ug bigaon sakit paminawon pero akong gidawat para di mi magkabuwag. Please tambagi ko.

MS. YHANG Ms. Yhang, Okay na imong gibuhat kay at least for love imong gipaubos imong garbo alang sa gugma. Kay di sad nato ma blame dayon imong uyab kay bunga to sa init niyang ulo, sa selos mao nakasulti siya ato. Ipadayon lang pag prove niya nga di tinuod ang iyang gipanulti. Kon duna kay makita nga

improvement, mas maayo. Pero kon tan-aw nimo maorag lahi na siya, distansya kay basin by that time, siya nasad maggukod nimo. Pero kon bati na gyud, let go. Ayaw sayanga imong gugma. Naa pay daghan diha.

PAPA JOE