'Higher Law: A Law That Produces Love' ilusad
Ipahigayon ang book launching sa “Higher Law; A Law That Produces Love”, usa ka koleksyon sa mga gumalaysay sa mga kaagi sa magsusuwat nga si MC Gordon karong Sabado, Pebrero 25, sa The Gallery sa Ayala Center Cebu, ala 1:00 sa hapon.
Ang libro naghulagway sa mga nagkadaiyang mga gumalaysay (essays) nga koleksyon sa nagkadaiyang yugto sa kinabuhi ni Gordon.Aduna kini serye sa inadlaw-adlawng panghitabo sa katawhan sa reyalidad, pagbuswak sa mga makahibolungang dagan sa kinabuhi.
Si MC Gordon, technology
and social media lawyer, taga Mindanao ug nagpuyo karon sa siyudad sa Sugbo kauban ang iyang upat ka mga anak, apan kanunay siyang mobisitahan sa iyang mga umahan ug rest house sa San Agustine, Surigao del Sur.
Ang awtor sa libro mikuha sa nakadaiyang bahin sa mga tawhanong kasinatian ug gisuwat kini sa pagdula sa istelo sa literatura.
Ang Higher Law inubanan sa bokasyon sa awtor sa paggama og mga hiyas nga halayo nga linya sa tawhanong balaod. Usa ka simpling tanghaga, ispirituwal nga kasinatian nga halayo sa unsang pasilidad nga tawhanon, wala gibasi sa ngipon sa balaod nga mopaak apan, ang espirito nga mohunghong sa saad sa kinabuhi sa kaabunda.
Ang Higher Law maoy usa ka paglab-as sa magsusuwat o awtor sa iyang panaad sa pagduol sa mga bumabasa.
Kini laing gawasnong kasinatian gikan sa iyang propisyon paingon tawhanong hiyas ug halayo sa balaod sa tawo taliwala sa iyang pagka manlalaban.
Labaw sa tanan, kini ang labing taas nga pagyukbo sa gugma.