SMB SUD SA FINALS
Nakabalik sa finals ang defending champion San Miguel Beermen human nila gipalagpot ang Talk N’ Text KaTropa, 96-83,niadtong Lunes sa gabii sa deciding Game 7 sa Philippine Basketball Association (PBA) Philippine Cup finals sa Mall of Asia Arena.
Ning kadaugan, ninghayag ang poruhan sa Beermen nga mahimong ikaduhang team sa kasaysayan sa liga nga makasakmit sa Philippine Cup title sulod sa tulo ka sunodsunod nga seasons.
Sa kumbinasyon sa ilang starting five, ang Beermen nagbangis sa 3rd quarter aron dominahon og sugod ang KaTropa.
Ang KaTropa ningkombati nga wala ang ilang labing sinaligang pointguard nga si Jayson Castro, kinsa naangol sa Game 6.
“I knew from the start of the series that this will be a tough series for us,” matod ni SMB coach Leo Austria.
“If there’s a team na kinakatakutan namin, it’s TNT because they are loaded with a lot of talent.”
Giangkon ni Austria nga nasuwertihan lang sab sila og gamay tungod kay adunay hawang ang puwersa sa KaTropa.
Sa Game 6, diin tagakunon na unta ang Beermen, wala nakaduwa sa KaTropa ang usa sa ilang mga sinaligan nga si Troy Rosario gumikan kay nagpakasal kini unya naangol pa si Castro.
“Siguro nga, destiny na ito,” dugang ni Austria.
Sa finals, nga sugdan karong Biyernes, ang Beermen makigsangka sa Star Hotshots o Brgy. Ginebra Gin Kings nga padayong pang nagsanka sa deciding Game 7 sa laing series series kagabii sa presstime.
Puntos matag usa
San Miguel (96) — Fajardo 22, Santos 22, Ross 18, Cabagnot 14, Lassiter 12, Espinas 8
Talk N’ Text (83) — Fonacier 14, Pogoy 13, Williams 11, Rosser 9, De Ocampo 9, Reyes 7, Rosales 6, Tautuaa 5, Rosario 5, Seigle 4.