Rotary triathlon, Hunyo 11

Gipahigayon ang usa ka press conference sa Cebu Rotary Club Foundation, Incorporation sa Casion Español niadtong alas 3:00 sa hapon adlawng Lunes alang sa umaabot nga 1st Rotary Corporate Triathlon.

Ang Rotary Corporate Triathlon adunay 1.6-kilometer swim, 50-kilometer bike ug 10-kilometer run nga pagahimuon karong umaabot nga Hunyo 11, 2017 sa Punta Engano, Lapu-Lapu City, Mactan Island, Cebu.

Ang maong triathlon sa Cebu Rotary Club Foundation, Incorporation usa ka fund raising project sa maong foundation sa pagpagpadayong sa ilang 10 ka mga tuig nga nasugdang ‘Gift of Life Program’, usa ka programa sa Cebu Rotary Club Foundation diin ilang tabangan ang mga kabataang adunay Congenital Heart Defects( CHD) gikan sa mga kabos nga pamilya sa paghatag kanilag pundo ug suporta sa heart operation.

Ang Cebu Rotary Club Foundation, Incorporation gikan sa sinugdan aduna nay 40 ka nga batang nahataga’g tabang sa ilang ‘Gift of Life Program.’ Sa kasamtangan adunay sila’y 12 ka mga bata ang nakatakda alang sa operasyon. Ang matag operasyon nagkinanglan og P100,000 hangtod sa P700,000.

Ang maong kalihokan di lang sa pagpasiugda sa ‘Gift of Life program’ apan sa pagbukas sa kaluoy sa ug serbisyo sa katawhan sa matag usa ka kinabuhi.

Ang rehistrasyon nagbalor og P4,000 sa individual event, P8,000 sa relay ug P20,000 sa corporate challenge nga langkuban og unom ka mga tawo.

Mahimong makaparehistro sa Ayala: Digital Walker3/F main wing, Robinsons Galleria: Missing Link 3/F, Axix Vivo: Senor Kimchi G/F, BTC: Bikecology, SM: Digital 2/F Cyberzone, Parkmall: Cyclelogic G/F, Downtown: YKK Bike Shop KAI Stickers Villagarcia Bldg, 155 S.B Cabahug St., Centro, Mandaue City ( atbang sa Cortes Hospital).