PUJ STRIKE HAYAN HIMUON SA LUNES

Posible nga mabalda ang pampubliko nga transportasyon karong Lunes, kana kon mahinayon ug moapil ang Pinagkaisang Samahan ng mga Tsuper at Opereytor Nationwide (PISTON) Cebu sa plano nga tibuok nasod nga protesta batok pag- phase-out sa

public utility jeepney (PUJ).

Apan ang Land Transporation Franchising and Regulatory Board (LTFRB) 7 nihimangno sa transport

operators nga posible sila nga matangtangan og prangkisa kon mapamatud-an nga mabalda ang transportasyon subay sa ilang protesta.

Usa sa rason sa gikatakda nga protesta sa grupo kini plano sa gobyerno nga i- phase

out o tangtangon na sa kadalanan kining mga daan nga jeep.

Sa pakighinabi sa Superbalita Cebu kang Greg Perez ang pangu sa PISTON Cebu kagahapon, nibutyag nga naghuwat pa sila sa direktiba sa ulohang buhatan nila kon unsa’y hulagway sa ilang protesta nga pagahimuon.

Nitug-an usab siya nga posibleng makabalda sa pampubliko nga transportasyon ang maong protesta hilabi na sa dakbayan sa Sugbo apan gihulagway niini nga di kaayo lapad.

“Among paningkamutan kon unsay i-kuan (direktiba) sa (PISTON) national, among paningkamotan nga makasabay mi, may posibilidad siguro gamay nga pagkabalda, depende sa dagway.”

Aduna’y mokabat 700 ka mga miyembro ang PISTON

sa Sugbo apan wala pa maklaro niini pila ang mangapil sa maong protesta. Si LTFRB 7 assistant director Reynaldo Elnar niklaro nga dili phase out ang tumong sa gobyerno apan modernization program.

Dugang niya nga tangtangon ra kadtong 15-anyos na nga jeep apan mamahimo ra kining mailisdan sa operator sa jeep.

Andam hinuon maminaw ang rehiyonal nga buhatan sa LTFRB sa yangungo sa mga operator ug driver aron mapasabot kini sa gusto ug plano sa gobyerno.

Tumong sa gobyerno mao nga environment-friendly na ang PUJs sa nasod ingon man nga luwas sa mga pasahero nga sumasakay niini.

Nipahimangno si Elnar sa mga operator ug Piston nga posibleng masuspenso o kanselahon ang ilang prangkisa kon di sila mobiyahe sa Lunes.

Siya nipasabot nga kalapasan kini sa terms and conditions sa ilang prangkisa kon di sila mobiyahe.