Marso madawat ang umento sa SSS pension

Karong buwan sa Marso na madawat sa mga retirado nga miyembro sa Social Security System (SSS) ang dugang P1,000 nga pension diin nagsugod kini niadtong Enero. Kagahapon lang dihang giaprobahan na sa Malacañang ang pag- release sa maong kantidad subay na usab sa memorandum nga pinirmahan ni executive secretary Salvador Medialdea.

Marso 3 ma- release ang alang sa buwan sa Enero, Marso 10 alang sa Pebrero ug Marso 17 alang sa buwan sa Marso.

Ang maong memo gipadala kini ngadto ni Social Security Comission Chairman Amado V. Valdez ug SSS President Emmanuel F. Dooc.

Giaprobahan ni Presidente Rodrigo Duterte ang dugang

pension niadtong Enero 10 diin gikatakda usab ang pasaka sa binuwan nga kontribusyon sa miyembro niini ngadto sa 1.5 porsyento diin mamahimo na unya kining 12.5 gikan sa 11 porsyento.