GERMAN TARGET SA JAMMING
Kompiyansa si Bise Gobernador Agnes Magpale nga di na makahimo sa iyang mga transaksiyon sa cyber
pornography ang German nga piniriso sa Cebu Provincial Detention and Rehabilitation Center (CPDRC) nga si Thomas Ruhland. Kini human usab namontar na ang duha ka units sa signal jammers sa prisohan, subay sa tinguha nga ma- shutdown ang cellphone ug wi-fi signal sa pasilidad. Nag-atubang og kasong human trafficking si Ruhland nunot sa giingong pagmolestiya og duha ka mga menor de edad niadtong 2011. Mag- upload sab siya og pornographic materials sa internet bugti sa kwarta. Matod ni Magpale nga angay masiguro sa tagdumala nga di na mausab nga makahimog komunikasyon o transaksiyon sa gawas si Ruhland.