Way sirhang karsada atol sa street party sa 'Kadaugan'

Nipasalig si Lapu-Lapu City Acting Vice Mayor Harry Radazay nga way karsada nga pasirhan atol sa street

party nga kabahin sa kalihokan sa Kadaugan sa Mactan. Si Radaza, chairman sa tourism committee sa konseho, nipasabot nga kini gihimo aron di mabalda ang dagan sa trapiko ilabi na nga nasinati ang nagkahuot nga traffic sa major thoroughfares sa Lapu-Lapu.

“We are really looking for

sa safety and convenience sa kinabag-an. Lahi na ang sitwasyon (traffic) karon compare niadtong three years ago,” sulti ni Radaza sa mga tigbalita.

Gipahibawo ni Radaza nga susama sa miaging tuig, gipahigayon ang street party sa Hoopsdome sa Barangay Gun-ob samtang ubang mga kalihokan gipahigayon sa

city hall grounds ug Liberty Shrine, Mactan diin gipahigayon ang re-enactment.

Sa miaging tuig, ang kagamhanan migasto og P4 milyones alang sa kinatibuk-ang kalihokan sud sa usa ka semana, diin highlight sa kasaulogan mao ang Rampada street dancing competition.

Ang Kadaugan sa Mactan himuon matag Abril 27 diin masaksihan ang re-enactment sa pakigsangka ni Datu Lapu-Lapu alang sa kagawasan batok sa Portuguese explorer Ferdinand Magellan.