Mga menor de edad nakiggubat

(Napatik sa Pebrero 9, 2017)

Usa ka mitahan nga sakop sa New Poeple’s Army (NPA) ang nagsaysay nga nag-edad og 12-anyos nga mga batang lalake ang ilang nakauban sa pagpangatake sa mga sundawo niadtong Pebrero 1 didto sa Manay, Davao Oriental.

Si Ka Junie, 31, sakop sa Front Committee 15 sa NPA, maoy nagbutyag niini atol sa gihimo nga AFP-PNP press

conference sud sa Davao City Police Office, kagahapon sa buntag.

Si Ka Junie nagsulti nga usa siya sa 30 ka mga rebelde nga naengkuwentro sa kasundalohan sa Barangay Lambog, Manay, Davao Oriental diin namatay si 2Lt. Miguel Victor Alejo,

platoon leader sa 67th Infantry Battalion sa Philippine Army.

“Ang pinakabata sa amo ang 12-anyos, naay 15-anyos, ug naa say 16-anyos nga nakauban sa giyera sa Manay, ug sa uban namong lakaw,” suma ni Ka Junie. Siya nagsulti nga tungod sa kalisud sa kinabuhi sa bukid uban sa NPA, ang nagtukmod kaniya nga motahan sa militar.

“Mi- surrender ko dala akong AK47 nga armas kay gikapoy nako sa bukid, pulos lang sila pasalig,” saysay ni Ka Junie.

Gisaysay sab niya ang gihimo nila nga pagpanghasi sa komunidad lakip na ang pagpang-recruit sa mga bata ug pagpangilkil sa katawhan./