4 AboitizPower plants mipasar sa internasyunal nga sukdanan

Upat ka mga pasilidad sa AboitizPower ang nakaangkon og internasyunal nga sirtipikasyon sa panglawas ug kaluwasan sa trabahoan ug sa pagdumala sa kalikupan, sigun sa rekomendasyon sa TÜV Rheinland Philippines Inc.

TÜV Rheinland Philippines— sa TÜV Rheinland, usa ka bantugan nga

"testing organization" alang sa kalidad, kamaayo ug kaluwas, milusad og awdit sa AboitizPower oil business unit nga headquarters sa PFDA Bldg. ug Therma Mobile, Inc. (TMO) sa Navotas; Cebu Power Private Corporation sa Barangay Ermita, Cebu City; Therma Marine, Inc. (M1) sa Maco, Compostela Valley; ug Therma Marine, Inc. (M2) sa Nasipit, Agusan del Norte.

Ang CPPC, TMO, M1 ug M2-- mga planta nga mohimo og elektrisidad gamit sa lana -- maoy gisaligan nga supply sa kuryente panahon nga taas ang panginahanglan sa mga kunsumidor sa Luzon, Visayas ug Mindanao.

Ang maong mga planta tipik sa tumong sa AboitizPower na makahatag og balanse nga

supply sa kuryente nga sigurado ug makatarunganon ang presyo.

Ang mga awdit maoy mosusi sa pagsunod sa mga Oil BU ngadto sa OHSAS 18001:2007 (Occupational Health and Safety Management System)

ug ISO 14001:2004 (Environmental Management System) nga mga sirtipikasyon.

“I would like to congratulate each and every one of you for a job well done. These certifications prove that our organization satisfies internationally recognized standards for safety, health and environmental management and is in line with our APGen initiative of gearing up towards a world-class organization through IMS Certification (Gipahalipayan ko ang tanan. Kini nga mga sertipikasyun nag pamatuod nga atong organisasyon mipasar sa mga nagkadaiyang internayunal nga sukod sa kaluwas, panglawas, ug makalikupanon, ug misubay sa atong APGen nga inisyatibu sa pagpalambp isip usa ka primero nga organisasyun pinaagi sa IMS Certification),” matod ni Danel Aboitiz, pangulo sa AboitizPower Oil BU ug COO.

Ang AboitizPower miseguro sa OHSAS ug ISO 14001 nga mga sertipikasyun, aron mapakita nga luwas ang mga pasilidad alang sa mga trabahante ug sa kalikupan.

Ang pagsunod sa mga internasyunal nga mga sertipikasyun mopasabot nga ang miyembro ug mga team lider sa mga oil business unit sa AboitizPower misunod sa mga prinsipyo ug mga pamaagi nga luwas sa panglawas sa trabahante ug kalikupan.