Beer, Gin sa finals series
PADAYONG nasugakod sa Brgy. Ginebra Gin Kings ang mga tinagakay nga kombati ug ilang napalagpot ang Star Hotshots, 8976, sa miaging gabii sa ilang deciding Game 7 sa semi-finals series sa PBA Philippine Cup sa Mall of Asia Arena sa Pasig City.
Sa kadaugan, naangkon sa Gin Kings ang katungod sa pagpakigharong sa defending
champion San Miguel Beermen alang sa finals series nga sugdan karong Biyernes.
Sa sayong bahin, napakita na sa Gin Kings nga mas hidlaw silang makaabot sa finals ug ilaha dayong nabiyaan ang Hotshots sa 1st quarter ug gikontrolar nila ang duwa hangtod na sa katapusang gutlo.
Maayo na sab nga nakaduwa sila si Sol Mercado, LA Tenorio, Japeth Aguilar, ug Scottie Thompson aron pangulohan ang Gin Kings.
Apan dili sab angayang ibaliwala ang kontribyusyon nila ni Joe Devance ug Jerby Cruz sa laing departamento.
Gipangulohan ni Mercado ang kadaugan pinaagi sa iyang 23 puntos, nidugang og 21 puntos si Tenorio, nihatag og 19 puntos si Aguilar samtang niamot og 10 puntos si Thompson. “Seven-game Manila Clasico – who could ask for more?” batbat ni Gin Kings coach Tim Cone sa interbyu sa Spin.ph.
“Sometimes, it can really be tough leading in those games because the pressure falls on you now, the expectations are on you to win..." Puntos matag usa Ginebra (89) – Mercado 23, Tenorio 21, Aguilar 19, Thompson 10, Devance 7, Cruz 6, Ferrer 2, Marcelo 1.
Star (76) – Maliksi 22, Pingris 17, Ramos 14, Barroca 8, Reavis 5, Lee 4, Jalalon 4, Melton 2.