Reporma sa atong penal system

Aduna kitay gitawag nga five pillars of the criminal justice system nga mao ang community (komunidad), law enforcement (kapulisan), prosecution (piskaliya), judiciary (korte) ug rehabilitation o penolo�y (prisohan). Dili magmalampuson ang matag sanga kon walay kooperasypn sa matag usa. Mag-unsa man ang atong kapulisan kon walay pag-abag sa kumunidad o publiko nga naoy mosaksi sa mga krimen?

Dili mosaler ang kaso ngadto sa husgado o mataral ang akusado sa hukmanan kon walay ebedensiya ang kapulisan ug ang piskaliya. Kon makonbikto man ang usa ka akusado ug masilutan siya base sa salaod nga iyang nakomiter, prisohon siya aron magbag-o ug makabalik sa atong katilingban. Pero unsa-on man niya sa pagbag-o kon sulod sa prisohan wala siya magbasol ug mas daghan hinuon nga mga binoang ang nahibaw-an? Sa iyang pagkayano ra siya nga drug pusher, pero paggawas, nahimo nang drug lord.

Dili ang lang law enforcement ug prosecution ang angay natong i-reporma kay nagtuo ta nga anaa lang diha ang mga binoang sa atong kapulisan ug piskaliya.

Ang angay usab nga i-reporma mao ang rehabilitation o penal system kay kusog pod diha ang kurapsiyon nga binuhatan sa atong mga jail official. Sumala og unsay nahitabo sa atong mga prisohan?

Naghitak gihapon ang pagkuyanap sa illegal nga drugas sulod sa atong mga jails. Ang mga piniriso nakahupot og mga gadgets sama sa cellular phones ug mga laptop computers. Nganong makasulod-gawas man ang mga drugas kon ilang gi-istrikto diha ang pagpasulod sa mga bisita? Dili kaha ang mga jail officials ug jail guards ang mga drug pushers o druglords?

Ang mga druglords nga atoa karon sa New Bilibid Prison nakapadayon sa ilang illegal drug trade gumikan lang sa ilang communication gadgets. Sama sa nahitabo diha sa Cebu Provincial Detention and Rehabilitation (CPDRC) ug Cebu City Jail nga maoy tinubdan sa drugas nga na-distribute dinhi sa Sugbo. Nganong nahitabo man kini? Gumikan sa kurapsiyon sa atong jails.