Gamay ra kahibao ani
Ang top 10 chessplayers sa Pilipinas may average rating nga 2489. Ang top 10 sa Iceland mas taas kay 2516. Ang population sa Iceland kay 322,000 ra ug ang Pilipinas kay sobra 100,000,000.
Lupig sad ang sobra 120 ka nasud sa Iceland nga ang uban mas daghan pa kay nato.
Ang initials nga A.K. maoy pinakamaayo moduwa og chess. Si Anatoly Karpov miabot ang rating sa 2780 ug unang champion sa kalibutan. Ang uban nga AK si Alexander Kalifman nga Fide champion sab sa 1999 niabot ang rating sa 2702. Ang na-champion sa mga babaye si Alexandra Kosteniuk may rating nga 2549 ug semi-finalist sa championship karon sa Tehran, Iran.
Si Anton Kuzobov champion sa Ukraine ug ang rating karon 2689. Hapit ma champion ang Ukraine sa miaging 2016 Olympiad sa Baku tungod niya.
Ang Webster University maoy pinakalig-on sa tanan nga eskwelahan sa kalibutan. Ni duwa dinhi sa una ang Pinoy nga si Wesley So. Kung nasud ning eskwelahana, mabutang sa top 10 sa kalibutan kung basehan sa last Olympiad una pa sa England nga sobra sa 53 million. Ang enrollment nila miabot ra sa 22,000.
Dunay 30 ka babaye ang nahimong full-pledged grandmaster (dili WGM) ug sukad pa walay namatay nila.
Dunay 16 federations nga members sa Fide pero dili member sa United Nations. Ang United Kingdom naay tulo nga way labot sa UN-Wales, Scotland ug England. Ang Puerto Rico naay separate federation pero parte ni sa USA. Lahi ang ilang culture ug heritage.
Adunay 23 ang nahimong grandmaster nga ang pangidaron kinse o paubos. Sila mao si Sergey Karjakin, Parimarjan Negi, Wei Yi, Bu Xiangzhi, Richárd Rapport, Teimour Radjabov, Ruslan Ponomariov, Wesley So, Étienne Bacrot, Jorge Cori, Illya Nyzhnyk, Maxime Vachier-Lagrave, Péter Lékó, Hou Yifan, Anish Giri, Anton Kuzubov, Dariusz Swiercz, Nguyen Ngoc Truo Son, Daniil Dubov, Ray Robson, Fabiano Caruana Naay 400 ka lihok sa 1st move, 72,084 inig human sa 1st two moves. Sobra sa siyam ka million inig human sa 3rd move. Sobra 318 billion sa 4th move. Mas dako ang mga lihuk sa 40 ka lihuk sa chess kay sa electrons sa tibuok universe. Ang folding nga chessboard gi-embento sa usa ka pari. Sa una gidili sa clergy ang pagduwa sa chess. Ang pari nga na addict sa chess mi-embento ani kay kung tan-awon mura og duha ka libro.
Ang Police midakop sa tournament director sa usa ka tournament sa Cleveland sa 1973 ug giembargo ang ebedensia kay gambling kuno (cash prizes sa winners) ug naa gambling devices (Chess sets).