IKA-3 BRIDGE SUGDAN

PRESIDENTE DUTERTE NANGU SA GROUNDBREAKING SA CORDOVA

Gitataw ni Presidente Rodrigo Duterte nga kon wa siya milabaw og 1.4 milyones nga botos sa milabayng eleksyon dinhi sa Sugbo, way matukod nga taytayan nga magkonektar sa dakbayan sa Sugbo ug Cordova.

Ang Presidente nibisita kagahapon dinhi sa Sugbo alang sa ceremonial nga groundbreaking ceremony sa Cebu-Cordova Link Expressway (CCLEX) kagahapon sa hapon.

“For giving me an unprecedented majority in the last election around 1.4 million votes. Hay salamat. Kay napildi pa ko ngari, way bridge. Pabuhon ko pa na,” sumala pa ni Presidente Duterte nga maoy nakapakatawa ug nakakuhag pakpak sa mga nitambong sa seremonyas.

Matod ni Duterte nga ang maong taytayan nagpasabot lang nga nitaas ang gross domestic product (GDP) sa nasud.

“It is a sign that your GDP is growing, GDP means income. Gross domestic product of a locality whether local or national simply means income. Kumikita at yumayaman ang lugar. Cebu is exploding, sumusunod sa Manila talaga trend and I’m happy especially taga dito din ang tatay ko,” dugang pa ni Duterte.

Dugang niya nga sa mga mosunod nga katuigan, makonektar na unya ang Visayas sa mga taytayan.

“Maybe in the years to come, we will connect the bridges. Hopefully ang mag-una gyud diri ang bridges sa island of Visayas,” sigun niya.

Uban ni Duterte sa groundbreaking ceremony sa Cordova mao sila si Sec. Adelino Sitoy, Presidential Adiviser on Legislative Affairs; Manuel Pangilinan, chairman sa Metro Pacific Tollways Development Corporation (MPTDC); Cebu City Mayor Tomas Osmeña; Cordova Mayor Mary Therese Sitoy-Cho; Jose Maria K. Lim, Presidente ug CEO sa Metro Pacific Investments Corp. (MPIC) ug Rodrigo E. Franco, Presidente sa MPTDC.

Mga alas 4 sa hapon na naabot si Duterte sa Cordova ug kini mainitong gisugat sa mga taga lungsod sa Cordova nga nisuporta sa presidente.

Sa pagpaila ni Duterte sa iyang kauban sa entablado, nangumedya usab kini ni Sec. Martin Andanar kon higala pa ba niini si Mayor Tomas Osmeña.

Si Duterte niingon nga si Dino “ang nitabang nako sa unang panahon nga wa pay motabang nako diri . Maayo gani kay natabang. Unya amigo pa mo ni Mayor Osmeña? Tayg magtagbo mos bridge unya,”pangutana ni Duterte kang Dino.

Lakip sa gihisgutan ni Duterte sa iyang speech mao ang iyang pagsuporta sa mass transit sa nasud.

/ Alan Tangcawan MISALMOT. Sila si Cordova Mayor Ma. Therese Chu (wala), Cebu Governor Hilario Davide III (ikaduha gikan sa tuo) ug Cebu City Mayor Tomas Osmeña (tuo) mingsalmot sa groundbreaking ceremony. Niadtong 2007, si Osmeña naghisgot na niini ngadto sa mga...