Simpleng graduwasiyon giawhag sa Talisay City

Nipahimangno si Talisay City Schools Division Supt. Leah Noveras sa mga tinunan nga mograduwar ug mga magtutudlo nga dili kinahanglan nga magtuga atol sa ilang graduation ceremony.

Ang pamahayag ni Noveras nunot sa report nga adunay mgsa ginikanan ang mireklamo tungod sa pasiatab sa mga tunghaan nga libre ug walay bayranan ang graduation.

Apan giingong dunay bayranan ang mga ginikanan og kapin P200 sa ilang toga. Matod ni Noveras nga optional ang pagsul-ob sa toga ug wala kini kamanduan sa Department of Education (DepEd).

Samtang iyang giklaro nga kon magtoga ang mga mograduwar, siguruhon nga adunay kasabotan ug pagtugot gikan sa Parent-Teachers Association (PTA).

Sa milabay nga katuigan, magsul-ob gyud og toga ang mga bata nga mogradwa apan nasusab tungod sa krisis sa panginabuhi o panalapi.

Gipasabot ni Noveras nga kon adunay mga reklamo ang mga ginikanan labot sa grauwasyon, abli ang iyang buhatan sa pagdawat niini aron ilang matagaan dayun ug askyon.

Ang DepEd aduna'y kamanduan sa matag tunghaan nga himuon ang yano ug solemne ang graduwasyon ug mahinungdanon nga dili na mogasto og dako nga kantidad nga abagahon sa mga tinun-an.

Nasayran nga karong sunod buwan mao ang panahon sa

graduation ceremonies sa mga publikong tunghaan sa school

year 2016-2017.

/Alex Badayos PAGKAON SA DALAN COLON. Sa dayong salop sa adlaw, ang mga manindahay og pagkaon mohugpa sa daplin sa labing karaang dalan sa nasod, ang dalan Colon sa dakbayan sa Sugbo hangtod sa kaadlawon.