LOLA, 99, NALIPAY NGA GIPAPRISO
Halos tanang tawo naglaum nga hatagan og taas nga kinabuhi, kanunay nga malipayon ug baskog nga panglawas.
Apan kon magkatiguwang na, di malikayan nga dunay magbasul o magdamgo ka sa mga butang nga gusto pa nimong maangkon.
Adunay ubang mga anaa na sa taas nga edad nga buot mosuroy ngadto sa usa ka dapit o kaha buot nga mosud-ong sa ilang mga apo apan usa ka babaye buot nga ang iyang katapusang gusto mao ang dakpon ug mapriso.
Ang kapulisan malipayon usab nga mituman sa iyang gusto mga gikutlo sa Mirror News.
Ang kapulisan nga nagbase sa Nijmegen, Netherlands, ni- post og mga hulagway sa babaye nga naglingkod iyang gisudlan nga prisohan nga anaa sa Facebook page.
Sa hulagway, malipayon ang babaye nga mipakita sa camera nga gipusasan ang iyang mga kamot.
Ang caption sa hulagway nagpasabot nga ang babaye nga si Annie nga hapit na moabot 100 ang iyang ug iyang apo naghangyo sa pulis nga tabangan siya sa hangyo sa ilang lola nga makasuway nga gidakop ug gibilanggo sa prisohan.
Ang kapulisan nihimo niini aron si Annie makasuway nga mapusasan samtang anaa sa selda diin gikalipay niini nga nakuha sa hulagway. Gihulagway nila nga “day to
remember” ang gibuhat sa tiguwang. Ang kapulisan ni- post sa hulagway sa ilang Facebook page diin nahimo kining viral ug gatusan ka mga tawo ang nakagusto niini.
“What a great Police Department! You helped accomplish a part of her bucket list,” matod ni Claudia Ruesga. /