Ang kalimot way gahom

Paminaw ni Maribel nahilis siya sa kauwaw human gikataw-an sa ubang nanaglingkod nga mga aplikante sa iyang gi aplayan nga trabaho dihang gipasumitir sila og 2x2 nga hula�way nga ipapilit sa ilang gipangbitbit nga mga biodata ug resume’. Ang rason, karaang picture sa tibuok lawas nga bata pa siya iyang napapilit nga dunay background nga simbahan. Kahilakon siya sa ka uwaw kay mao ra may hula�way nga iyang nadala sulod sa iyang pitaka og tataw kaayo nga wala siyay igong pagpangandam.

Bisan pa man, amo na lang siyang gitugutan nga maka apil sa interview kay misaad man siya nga iyang ipa-apas inig ka ugma.

Tungod ini, na rattle na siya ug gipaningot og bugnaw. Wala na gali siya ka tubag bisag sa mga simpling mga pangutana sa mga

interviewers maong ako na lang gi-kumedyahan pag-ingon nga ‘ang kalimot way gahom’ aron makakatawa og maka-relax gamay sa iyang gibating tensiyon ug ka kulba.

Subra gatos nako ka beses naka- interview og ubay-ubay na sab ka mga aplikante nga nangitag trabaho ang akong personal nga napangutana isip Human Resource Management Officer kaniadto maong ang akong lindog karon apas-sumpay sa miaging Sabado kung unsaon pagpangandam sa kaugalingon para makasugakod sa mga pangutana. Sa akong gikaingon ‘ first

impression last’ busa siguroa nga ang imong i-sinena desente, limpyo, plansado ug humot. Ayaw kalimot pag

toothbrush o gamit og mouth wash. Ayaw palabii og butang og make-up o abobot ang lawas.

Sayo og tunga, kung mahimo usa ka oras una magsugod ang interview para duna ka pay igong panahon i- kuri-kuri sa ubang buluhaton kay basin unya og dunay emerghensiya o nalimtang balikunon sama sa nahitabo kang Maribel.

Ayaw kalimot pagdala daan og extra nga ball pen, papel, kopya sa imong application

letter, biodata/resume’ unya kung mahimo sag-uha daan ang impormasyon nga nakasuwat ini.