You mean everything to me
Human ko maghunahunag kadyot, nakadesisyon ko nga tubagon si Marlon. “Uy, nanawag ka man, Marlon? Don’t tell me nga importante ko nimo this morning?” Mikatawa ko. Gipabatyag kunohay nako sa akong boyfriend nga malipayon ko. Apan nagdugo diay ang akong kasingkasing. “Yes. You’re very important to me, Katrina.”
“Sus, ayaw na ko tuntoha, uy, Marlon!” Nataas na ang akong tingog. “Ilaron ko nimo? Don’t forget that your cousin Laura is my best friend. She tells me everything bahin ninyo ni Marlene.”
Dugay nga nakatubag si Marlon.
“Ayaw na itago nako, uy, ang imong sekreto? Gitug-anan ko ni Laura nga nag-uli mo si Marlene.” Gusto kong mohilak pero nakapugong gihapon ko sa akong kaugalingon.
“Kining, yes, Katrina. Siya man ang akong first love. Nakigbalik siya nako.”
“So, love gyud diay nimo si Mrlene? Unya, ako?”
“Love sab ka nako, uy. Promise.”
“Ang buot mong ipasabot nga lumpungon mi nimo si Marlene?”
“Unsaon man gud, uy. Bisag unsaon ko pagtugkad ang akong pagbati, parehas man gyud mong duha si Marlene nga akong gimahal.”
Sa tingog ni Marlon nasabtan nako nga wa siya magbakak. Di man sab tingali angay nga maguol gyud ko pag-ayo. Kanang magkuyog mi si Marlon sa pagpanuroy ug pagpangaon sa gawas, na- feel man gyud nako nga
love gyud ko niya. Kon nagkabalik man sila si Marlene, angay tingaling dawaton ni nako. Nakahibawo man ko nga girlfriend ni Marlon si Marlene kaniadto. Usa ra ka university ang among gitunghaan. Mao nga nakahibawo ko ani.
Dihang nakigbuwag si Marlene kang Marlon, hilom kong nalipay kay secret love man nako si Marlon. Ug dihang gipangulitawhan ko ni Marlon, wa ko na siya paantosa, gisugot dayon nako siya. Parehas mi si Marlene nga sakop sa dance
group sa among eskuwelahan. Ug si Marlon gipaila-ila ni Marlene nako nga iyang boyfriend. Kanunay kong pakuyugon ni Marlene kon mangaon sila si Marlon sa gawas. Dinhi magsugod nga na-develop ang pagbati ko ngadto kang Marlon. Hilom kong nahigugma niya.
Ug karon, nahimong komplikado ang sitwasyon namong tulo. (SUMPAYAN)