TAMBAGI KO, NOY KULAS
Gibinlan
Dear Noy Kulas,
Tawga lang ko og Mela. Dugay na kong nagsunod aning imong column but karon pa ko nakapadala nimo aning akong problema sa pamilya. Ang amon inahan toa sa
abroad while ako ug ang akong usa ka igsuon maoy nabinlan sa among mga manghod. Ang among papa patay na mao nga kami na ang gibinlan sa among mama sa among mga manghod. Pulos na mi nagtrabaho sa akong igsuon kay graduate na mi sa college.
Lisod diay ang mahimong parent kay naglisod mi sa pag- control sa among mga igsuon. Among gidid-an paglaag, pag-adto sa internet pero di magpabadlong, moadto gyud. Naguol ko kay ang usa namo ka igsuon nang us-us ang grado kay sige na lang og barkada.
Sa among edad, wa mi magtuo nga mahatag namo ang responsibility. Di mi ka blame ni Mama kay alang sa among mga igsuon ang iyang pag- abroad. Noy, papa man gyud ka, unsa kahay maayong buhaton namo?
MELA Mel,
Sagad kon dunay problema sa among mga anak, among tawgon ang tanan. Maorag meeting ba. Mag set mi og rules. Di mi mopugong sa ilang pagabuhaton, apan dunay limit. Sama anang cyber games, di mi mopugong, but magtakda mi og oras kanus-a sila kutob. Kon molaag, kinahanglan kahibawo mi kanus-a, asa, kinsay kuyog ug luwas ba ang lugar. Kinahanglan mag inform og update sa mga lakaw. As
much as possible, kinahanglang dunay load ang celpon.
Kami sab, we always set the example. Di manglaag ug magsuroysuroy. Di magbisyo ug maghuboghubog. Mosulti sab mi kon asa mi moadto bisan parents na mi. Kana ehemplo pud na ngadto sa mga anak nga kon naghimo mi ani, nganong di man sila? Mangasaba mi kon dunay molapas ug kanang nakahibawo ang ubang mga anak nga nasuko mi aron magmatngon usab sila.
I- meet ang inyong mga igsuon ug hisguti ang problema. Mas maayo nga kamong tanan aron mapaminaw ang ilang sugyot, kana kon duna man. At least, sa karon, nakahibawo na mo nga di lalim ang mamahimong ginikanan.
NOY KULAS