Bata gipakauwawan

Dear Atty. Joan,

Nabalaka ko karon kay nagsige'g hilak ug nawad-an og gana moskwela ang ako anak. High school nga tinunan si Daphne ug akong nasayran nga gibinuangan siya sa iya mga classmate. Abi nako ginagmay ra nga siawsiaw pero nakugang ko sa dihang gipakit-an ko sa akong anak ang usa ka leaflet nga dunay litrato niya kauban ang mga bastos nga paghulagway kaniya. Ang maong mga leaflet gipang-apud-apod sa ilang tunghaan. Mga menor-de-edad pa pud ni ang iyang mga kontra- unsay pwede namo mabuhat isip ginikanan?

Salamat, Concerned Parent Dear Concerned Parent,

Matawag nga usa ka insidente sa “bullying” ang nasinati sa inyong anak nga si Daphne. Kini gumikan kay ang paghimo ug pag-apod-apod sa leaflet maingon nga usa ka pamaagi sa “written expression” nga dunay epekto nga “emotional

harm” (kasakit) sa biktima. Alang sa imong kasayuran, dunay balaud nga nagdili sa

bullying, mao kini ang Republic Act No. 10627 kon Anti-Bullying Act. Dunay tulubagon ang tunghaan ilawm sa maong balaod. Sa di pa ka muduol sa kapolisan aron moreklamo batok sa mga gi-ingong ni-bully sa imong anak, mas maayo nga ipadangat ang maong insidente sa administrasyon sa tunghaan sa imong anak.

Gikinahanglan nga duna silay komite nga mu-susi sa maong insidente. Kung subay sa imbestigasyon makit-an nga nakasa ang pipila ka mga tinun-an, dunay otoridad ang tunghaan nga mopatuman og disciplinary measures. Hinaut nakatabang ko sa imong gi-agian.