TOKHANG KUYOGAN OG PARI

PLANO SA PRO 7 ARON DI AKUSAHANG NANGABUSO

Paubanan na og mga pari ug pastor sa Oplan Tokhang 2 aron mokombinser sa mga naggamitan sa illegal nga drugas sa pagtahan ug mamaymayan.

Sukwahi kini niadtong unang Oplan Tokhang nga gipangdalhan og lungon nga gisakay sa porlon ang durugista sanglit ubanan na ang kapulisan sa barangay officials ug kaparian ug pastor.

Matod ni Police Regional Office (PRO) 7 Director, Chief Supt. Noli Taliño, tumong ug tuyo niini aron mahatagan og espirituhanon nga pagmaymay ang mga tawo nga padayon sa ilang paggamit sa ilegal nga drugas.

“Kasi yung iba dyan, nakakalimot na sa Dios. Sinong pweding magbigay ng mga

spiritual aspect na ito? Ang simbahan, mga pari, mga pastor para sa ganun kahit papaano, maliwanagan itong ating mga kababayan na na involved sa illegal drugs,” matod ni Taliño.

Usa usab sa katuyoan sa pagpakuyog sa religious sector aron masayod sila unsa kadako ang problema sa illegal nga drugas ug ipakita nga sayop ang ilang unang pagtuo nga dunay kalapasan sa tawhanong katungod nga nahimo ang kapulisan.

Niabag na ang simbahan niini diin dunay community based rehabilitation nga gipasiugdahan si Cebu Archbishop Jose Palma nga gipangulohan ni Fr. Carmelo Diola sa Dilaab Foundation.

Uyon usab ang Cebu Archdiocese ning plano sa pulis.

Matod ni Msgr. Joseph Tan, Archdiocesan media liaison officer, nga ilang gihangkop kini.

"It goes to show that the government values the Church as possible partner to bring about change," matod ni Tan sa SunStar Cebu.

Si Tan niingon nga kinahanglan dunay pormal nga imbitasyon nila ang PNP. / Dugang taho sa SunStar Cebu