Tawag ng Tanghalan Grand Finals exciting

Wa gyud ta masayup nga si Maymay Entrata ang modaug sa Pinoy Big Brother: Lucky 7.

Suki man kaha mo sa atong Tagming, bag-o pa lang nagsugod ang PBB Teens edition niingon na ko nga ingna kong bakakon di ba mao nay modaug.

Niadtong Martes, Pebrero 28, akong gibalik ang atong

fearless forecast nga si Maymay ang modaug. Bang! Sakto si AC Martin. Hehe..

PAULINE

Karon na sad sa Tawag ng Tanghalan sa It’s Showtime, unsay atong fearless forecast?

Tinuod, daghang maayo dili lang si Pauline Agupitan. Pero way duda lig-ong kandidata nga modaug si Pauline.

Wa pa siya kasud sa semi finals, niingon na ko nga hayag og kaugmaon ning bataa ug dapat mobalik gyud siya kay sayup to ang mga hurado nga gipildi ra siya sa Killing me Softly. Nibalik gyud ug karon usa siya sa mga grand finalists.

Mas lig-onan ko karon sa grand finals sa Tawag ng Tanghalan kumparar sa The Voice.

RACHEL

Gawas ni Pauline, kuyaw sad mokanta si Rachel Gabreza sa Metro Manila (duna kuno siyay mga kaliwat sa Carcar, Cebu).

Ang problema lang ni Rachel kay hinay siya sa text votes. Sa first quarter round semi finals sa miaging tuig, siya ang kinadak-an og score sa mga hurado pero napidli siya nilang Maricel ug Gidget sa text votes. Kay 50% maggikan man sa text ug 50% sa judges’ score.

Sa wild card sa miaging semana, si Rachel say kinadakan sa judges’ score pero No. 2 ra siya ni Froilan Canlas tungod gihapon sa text votes. Maayo na lang Top 2 ang gikuha maong nakasud gyud siya sa grand finals.

MARIELLE

Siyempre, molaban gyud ta sa atong pambato sa Cebu, ang bugtong Cebuana nga nakasud karon sa grand finals sa Tawag ng Tanghalan nga si Marielle Montellano.

Palimpyohay lang og tingog, way sama kalimpyo mokanta ni Marielle. Maayo kaayo moigo og nota.

Pero dili lang siya natural nga biritera kon itandi nilang Pauline, Gidget ug Rachel.

Sakto ang gisulti ni Marielle nga silang tanan dunay katakos nga mamahimong grand winner.

Ugma, basaha ang atong exclusive interview ni

Marielle Montellano sa Ssssuper Ka! kon unsay iyang mga gihimong pagpanimpad karon didto sa Manila.

TAGULILONG

Natinga ko sa estorya niadtong Miyerkules (March 1) nga nigawas sa Laysho (page 15). Sakto man akong gisuwat nga “JOAQUIN goodbye na sa Probinsyano?” Sakto sad ang naa sa layout sa among artist nga si Bai Nelson ug hasta ang iyang gipada sa akong e-mail. “JOAQUIN” tanan.

Apan pagprinta ang nigawas “JAMES goodbye na sa Probinsyano? Kinsay nag-ilis og “JAMES?” Naa pa gyuy caption nga “Joaquin Atayde.” Kinsay nagbutang?

Apostrophe ra man untay akong gipausab nganong hasta ang Joaquin giilisan man? Hahaay!