THREE-PEAT!

Nakalingkawas ang San Miguel Beer sa katapusang hunat sa Barangay Ginebra ug mikulit kinig 91-85 sa Game 5 aron kompletuhon ang ikatulong sunodsunod nga paglangkat sa PBA Philippine Cup championships sa Araneta Coliseum.

Sa kasaysayan, ang Beermen maoy ikaduhang team nga hingpit nga miangkon sa perpetual nga Emilio Bernardino Trophy atubangan sa nagpuot nga mga dumadapig sulod sa Big Dome.

Ang giilang Super Five sa San Miguel nga sila si June Mar Fajardo, Arwind Santos, Chris Ross, Alex Cabagnot ug Marcio Lassiter maoy nahimong mahait nga hinagiban aron pangulohan ang Beermen sa pagpalig-on sa denastiya nga ilang naumol karon sa lega.

Ilang gibuntog ang Kings sa Game 5 sa ilang best-of-seven series.

Sila ang midaog sa Game One (109-82), Game Three (99-88) ug Game Four (94-85).

“This is the all-Filipino tournament – the premier tourney of the PBA. This feat is the highlight of our careers,” matod ni San Miguel coach Leo Austria atol sa championship celebration diha tunga sa korte.

Kini maoy ika 22 nga overall title sa SMB ug ikapito nga All-Filipino title. Kon kahinumdoman ang San Miguel mao usab ang grandslam titlist niadtong 1989 nga gipangulohan nila ni Ramon Fernandez, ug kawalo ma champion panahon usab nila ni Danny Ildefonso ug karon ila na usab nalabni ang Philippine Cup three-peat

championships ubos sa bag-ong lider nga si Fajardo.

Ang unang milangkat sa Bernardino Cup mao ang TNT niadtong 2013.

“All we're saying we have the strongest starting five in the league. Maybe yes, maybe no. One thing sure is their great chemistry,” matod ni Austria. Si Ross mitapos sa duwa nga may 12 puntos 10 ka assists, walo ka rebounds ug unom ka

steals nga maoy nahimong giya sa ilang kadaugan sa naghinapos nga mga segundos.

Ang combo guard nga gikan sa Marshall U nag- averaged og 17.2 puntos, 9.6 assists ug 5.2

rebounds sa series nga igo na kaayong nakapahimo niyang Cignal PBA Press Corps Finals MVP winner.

“It's all about sacrifice. That's how you win three championships in a row,” matod ni Ross. Ang 7-0 sa San Miguel nga gidayandayanan sa slam dunk ni Santos maoy naghatag og kasiguroan sa ilang kadaugan. /

/ PBA image ■ WE’RE THE CHAMPIONS. Ang kinatibuk-ang puwersa sa San Miguel Beer nga gipangulohan sa Sugboanong champion nga si June Mar Fajardo nagselebrar sa ilang ikatulong sunodsunod nga kadaugan sa PBA Philippine Cup.

/ PBA image ■ MVP. Ang combo guard nga si Chris Ross sa San Miguel Beer nga mapasigarbuhong midawat sa iyang Finals MVP award.