DIRK: 30T POINTS
Napatik sa kasaysayan si Dirk Nowitzki human siya nimugna og 25 puntos sa kadaugan sa host Dallas Mavericks batok sa Los Angeles Lakers, 122-111, kagahapon sa National Basketball Association (NBA).
Si Nowiztki nahimong ikaunom nga magduduwa sa kasaysayan sa NBA nga nakaabot og kinatibuk-ang 30,000. Iya kining nahimo dihang nakapupo siya og 20 puntos sa wala pa nahuman ang duwa.
Upat ka Hall of Famers ug umaabot nga makadawat sab sa pasidungog nga si Kobe Bryant ang nag-una kang Nowitzki ning maong listahan.
Ang 7-footer German mao sab ang labing unang international player nga nakahimo niini.
Usa si Nowitzki sa tulo lang ka mga magduduwa nga nakaabot og 30,000 puntos sa usa lang ka team. Ang laing duha mao sila si Bryant sa Los Angeles Lakers ug Karl Marlone sa Utah Jazz.
Si Nowitzki, 38, nimugna sa tanan niyang 25 puntos sulod lang sa 1st half.
Wala na mokombati og insakto si Nowitzki sa 2nd half gumikan kay gilubong na man nila’g maayo ang Lakers. Sa 3rd quarter, miabot og puntos ang labaw sa Mavericks. TRAIL BLAZERS 126, THUNDER 121
Sa Oklahoma City, nasugakod sa Portland Trail Blazers ang kabangis ni Russell Westbrook aron lupigon ang host Oklahoma City Thunder.
Ning duwaa, si Westbrook nagpakatap career-high 58 puntos apan nausik ang tanan niyang paninguha.
Ang Trail Blazers gipangulohan ni Allen Crabbe pinaagi sa iyang 23 puntos, nihatag og 22 puntos si Damian Lillard samtang nitunol og 21 puntos si C.J. McCollum. WIZARDS 131, SUNS 127 Sa Phoenix, nimugna og 29 puntos si Bojan Bogdanovic aron agakon ang Washington Wizards sa kadaugan batok sa host Phoenix Suns.
Si Bogdanovic nipupo og perpektong 16-of-16 sa freethrow line nga maoy nakatabla sa rekord sa Wizards.
Ang Suns gipangulohan ni Eric Bledsoe pinaagi sa iyang 30 puntos. /