Ryan G, Angel Mary sud sa FYA knockout finals

Magtakos ang Ryan G Snack Shack ug Angel Mary Pawnshop sa F. Llamas Youth Association (FYA) Christmas League basketball tournament knockout finals human sa ilang managlahing kadaugan kaniadtong Martes sa semifinal games sa Don Vicente Sotto Memorail Gym sa barangay Pinta Princesa, ning dakbayan.

Ang Ryan G Snack Shack mingpukan sa BDS Law Firm, 92-83 sa primerong sangka samtang nakaeskapo ang Angel Mary Pawnshop batok sa lig-on nga contender nga Trangia Sportswear pinaagi sa double overtime, 108-106.

Ang kanhi commercial player nga si Milfred Sampelo ug si Sido Arreglo parehong mibahug og 24 puntos matag usa alang sa Ryan G samtang ang BDS Law Firm gipangulohan ni kanhi USJR Baby Jaguars point guard Baeng Medalle kinsa miburak og 26 puntos, miamot si Takoloy Parba og 15 puntos ug may 14 puntos si Shun Cal.

Sa laing bahin, ang team owner sa Angel Mary Panwshop nga si McLain Alkuino maoy nangu sa iyang team human siya moposa og 29 puntos. Puntos matag usa Unang duwa

Ryan G Shack Shack (92)Sampelo 24, Arreglo 24, Cadungog 11, Ursal 9, Gillangao 9, Abella 6, Sabalande 5, CJ Lavandero 2, Lavandero 2

BDS Law Firm (83)- Medalle 26, Parba 15, Cal 14, Garcia 8, Lastomen 8, Dacayana 6, Taray 4, Marata 2 Ikaduhang duwa

Angel Mary Pawnshop (108) - Alkuino 29, Villaver 23, Piñar 16, Encarguez 15, Pañares 14, Ramirez 5, Samson 4, Cabreros 2 Trangia Sports Wear (106)Reubal 28, Encarguez 21, Caballero 17, Martinez 16, Sydiongco 13, Trangia 6, Auditor 4. / PR