Organic strawberry farm sa Dalaguete

Gawas sa mabugnaw nga hangin nga masinati imong pagtungtong sa lungsod sa Dalaguete, anaa sab sa usa sa mga barangay sa nahisgotang dapit ang organic nga strawberry farm sa Sugbo.

Naila ang Dalaguete isip “The Vegetable Basket of Cebu” tungod sa daghang klase sa presko nga utanon nga gitanom sa lugar.

Gawas sa mga utanon nga mapalit gikan sa Dalaguete aduna sab kini Strawberry Farm nga mamahimong dua- won sa katawhan.

Ang Sergio’s Strawberry Farm nahimutang sa Barangay Maloray, lungsod sa Dalaguete.

Daghang makuha nga benepisyo gikan sa pagkaon og strawberry diin abunda kini sa

vitamin C, potassium, ug uban pang nutrina nga adunay dakong ikatabang sa lawas sa tawo. Sa kantidad nga P50 nga entrance fee, mamahimo na nga makasud ang mga ganahang mosuroy sa farm ug personal nga makakita sa mga strawberry.

Gawas sa strawberries, aduna sab silay laing tanom ang Sergio’s Farm sama sa lettuce, carrots, asparagus, aragula ug uban pa.

Nakita sa tagdumala sa farm nga daghan ang ganahan mubisita sa dapit, lokal nga turista o foreigner, hinungdan nga giablihan kini alang sa publiko sukad atong Enero ning tuiga.

Usa sa daghang hinungdan nganong nindot ug duawonon ang farm gawas sa aduna kini strawberries mao ang pagka-organic sa Sergio’s farm. Organic ang mga tinanom nga mapalit dinhi ug di kini mugamit og commercial nga mga fertilizer.

Mapalit ang strawberries sa Sergio’s Farm sa P800 mat- ag kilo ug ang arugula, P400 matag kilo.

Niadtong mobisita sa Sergio’s Strawberry Farm sa Maloray, Dalaguete pwede kamong mosakay sa pampublikong pasaherohan sama sa bus gikan sa Cebu South Bus Terminal nga paingon sa Dalaguete proper nga gibana-banang muabot sa tulo ka oras ang biyahe niini.

Kung maabot na sa Dalaguete proper, sakay og habalhabal paingon sa Maloray ug ingna ang drayber nga sa