Don’t ever go
Nagpanglugnot si Homer samtang gipugos siya sa pagpasakay sa kaliwat niyang mga lalaki sa awto.
Gigapos ang duha niya ka mga kamot. Isog kaayo si Homer ug nagpuwa ang nagsiga niyang mga mata. “Di ko! Di ko didto!” Namiyahok pag-ayo ang nawong ni Homer. Morag bukog ug panit na lang ang iyang lawas tungod sa iyang kadaot. Wa ko kapugngi ang akong kaugalingon, nakahilak ko. Si Nang Adela sab nga inahan ni Homer nagsigeg hilak. Samtang si Noy Roman nga amahan ni Homer igo na lang sa pagpanglingo.
Dad-on sa Rehabilitation Center si Homer. Patambalan siya kay nagumon na kaayo siya sa illegal drugs. Napasagdn n niya ang iyang pag-eskuwela. Third year college na unta siya. Silingan namo sila si Homer. Wa gyud ko magdahom nga maingon ani si Homer kay buotan man unta siya. Kanunay siyang mokuyog sa iyang mga ginikanan sa pagpanimba every Sunday. Apan tungod sa impluwensya sa iyang mga barkada sa eskol nga tigsuyop og shabu, nahimo siyang adik.
“Buwagi na si Homer, uy, Cresilda! Unsay imong makuha anang lakiha nga adik man na?”
Isog kaayo si Mama dihang gipakig- estoryahan ko nila ni Papa usa ana ka gabii, gikan ko niadto sa eskuwelahan.
“Kaanugon anang imong hitsura nga magpada'a ka sa imong pagmahal niya? Gamita nang imong utok, uy, Cresilda!”
Kusmod kaayo si Papa. Wa na lang ko magtingog. May rason man sab sila. Kon buot gyud sabton, di ko angay higugmaon si Homer. One year na ang among relationship. Wa pa magumon sa shabu si Homer dihang gisugot ko siya. Usa ra ka university ang among gitunghaan ug kanunay ming magkakita ug magkaestoryahay sa eskuwelahan. Mao nga nagkasuod gyud mi pag-ayo. Labi pa gyud nga silingan ra mi. Na- develop ang feeling ko niya.
Ug dihang nangulitawo siya nako, gisugot dayon nako siya.
Apan karon, nahimong miserable ang among relasyon tungod sa pagka adik ni Homer sa gidiling droga. Namahid ko sa akong mga luha unya mibiya ko sa among terrace nga akong gitindogan.
Naglantaw man gud ko kang Homer kay nakahibawo man ko nga aning adlawa siya ipa-rehab sa iyang parents. Mibakho ko sa sulod sa akong kuwarto.