BIBLIYA,BENDETA SA TOKHANG

Kon kaniadto, lungon ang dala sa kapulisan aron pagdani sa mga drug personality nga mohunong na sa ilegal nga kalambigitan sa drugas, karon posible nga rosaryohan, bibliya ug holy water na ang dala nila kuyog.

Kana kon kuyog ang nagkadaiyang mga religious groups alang sa gitawag nga Oplan Tokhang Double Barrel Reloaded.

Ugmang adlawa, Lunes, magtagbo ang nakadaiyang religious groups sa dakbayan sa Sugbo sa buhatan sa Cebu City Police Office alang sa usa ka focus group discussion.

Matod sa tigpamaba sa CCPO, Supt. Cheryl Boniao, nga 12 na ka religious groups ang ningsanong sa ilang imbitasyon sa maong panagtagbo.

Lakip niini ang walo ka mga imam gikan sa Muslim community, kinsa andam usab nga motabang sa Oplan Tokhang.

Malaumon hinuon si Boniao nga mayoriya sa gipadad-an nila og imbitasyon ug kadtong

religious groups nga andam motabang nila, motambong sa maong diskusyon.

Lakip sa ilang gi- invite ang simbahang Katoliko, Christians, Muslims ug uban pa.

“Almost sa among gi- invite morag nagpadayag gyud sila

nga mo attend because in fact they already have programs in terms of anti-illegal campaign,” dugang ni Boniao. Gibutyag usab niya nga pagpaambit sa mga impormasyon nga mamahimong magamit sa kapulisan ug sa religious group sa pagpangtokhang ang ilang tumong sa panagtagbo.

Giklaro hinuon ni Boniao nga di sila moingganyo sa mga butang sama sa bibliya o rosaryohan kay balaan. /