Khalil Ramos bida na
Si Khalil Ramos nasaksihan nato niadto sa "Pilipinas got talent" nga nagka-singing career, teleserye ug pelikula. Lima ka tuig ang milabay ang guapong Khalil sa "PGT" bidang bida na gyud sa usa ka indie movie.
Human kini nakahakot og awards sa Cinema One Originals film festival sa miaging tuig isalida na sa inyong paboritong sinehan ang "2 good 2 be 4gotten" sa Star Cinema karong semanaha.
Sa miaging semana nakita nato ang pelikulang "Baka Bukas" ni Jasmine Curtis Smith nga gikan usab sa maong festival. Kon may tema kini sa relasyon sa isig ka babaye ang Khalil usab sa isig ka lalaki.
Apan dili lang ang LGBT family ang maghulat ug magatang ini kay lahi ang dagan sa ilang istorya.
Relasyon sa imong higala o suod nga higala nga milanat pa sa kinaladman nga pagbati.
Ang "2 good 2 be 4gotten" set sa 90's nga istudyante pa si Khalil ug nahimong higala ang magsoong mistiso nga silang Ethan Salvador ug Jameson Blake diin siya nalambigit sa usa.
Nahitabo kini sa Pampanga human nibuto ang bulkang Pinatubo, mga high school students ang papel sa tulo. Ang nakanindot lang sa dagan sa ilang mga role kay dili nimo matag-an kon unsa gyud ang matag usa kanila mao nga kinahanglan nimo nuntan ang Khalil, Ethan ug Jameson.
Pulos mga baguhan ang kauban ni Khalil gawas niya nga nakahimo na usab og indie movies.
Si Ethan ug Jameson wala usab pa-iwit sa ilang mga eksena kon aktingan ang hisgutan.
Gani si Jameson nga gikan sa PBB ug membro sa dance group nga "Hashtag" maoy naka-angkon sa tropeo isip best supporting actor.
Ang Khalil Ramos usab bisan pa man og wa makuha ang best actor award sobra ang gipakita in terms sa acting.
Daghang kritiko ug movie reviewers ang nakamatikod sa depth ug ka-intense sa akting nga gipakita sa ulitawo.
Busa ayaw ninyo kalimti pagsuporta ang pelikulang "2 good 2 be 4gotten" nga nahimong best picture sa Cinema One Original, ay'g saba!