NORA AUNOR, WA MODAYON SA SHOWTIME TUNGOD NI VICE
Unang ni-commit si Nora Aunor nga mag-judge sa grand finals sa Tawag ng Tanghalan sa It’s Showtime nga gipahigayon gahapon, Sabado.
Apan nausab ang hunahuna ni Nora ug wala ni modayon kay dako kuno siya og utang kabubut-on ni Senador Tito Sotto nga maoy nitabang sa pagkamatay sa iyang igsuong si Buboy o Eddie Villamayor.
Ang lain niyang rason nga dili niya feel ang main host sa Showtime nga si Vice Ganda.
Paglabay sa pila ka oras nitawag kuno si Nora nga modayon na lang siya kay nasuwat na diay sa mga mantalaan nga mag-judge siya sa grand finals sa Tawag ng Tanghalan. Diyahe kon dili siya motunga basin unsa kunoy hunahunaon sa mga tawo nga dili siya professional.
Iya lang pasabton si Senador Tito nga ari na lang siya sa Tawag ng Tanghlan.
Apan paglabay sa pila ka minutos, nausab na sad kuno ang hunahuna ni Nora ug dili na lang gyud siya modayon sa Tawag ng Tanghalan.
“Oo. Nag-back out na talaga ako. Hindi ko kaya si Vice Ganda,” matod niya sa Pep.ph.
“Hindi kaya ng puso ko ang pambabastos na ginawa sa akin ni Vice Ganda."
Dihang gipangutana kon unsang pambabastos ang gihimo ni Vice niya?
“Yung usual na ginagawa niya na magsasalita siya pero may pinatatamaan,” ang tubag ni Nora.
“Gusto ko mang magguest pero hindi ko kaya ang ginawang pambabastos sa akin noon ng main host ng show. Lahat ng imbitasyon sa akin ng ABSCBN para mag-guest, wala akong naging problema. Dito lang talaga sa It's Showtime dahil sa main host ng show.”