Brodkaster mitaliwan na
Sa edad nga 49, mibiya na sa kalibutan ang broadcast journalist nga si Sorel ‘Bong/BongSor’ Soriano gumikan sa komplikasyon sa iyang gihambin nga sakit diabetes niadtong Marso 7, 2017.
Karong adlawa, i- cremate ang iyang lawas sa St. Peter’s Chapel (Funeral Homes) sa Imus Road, barangay Lorega - San Miguel, Cebu City.
‘Joker’ maoy paghulagway sa iyang kapikas nga si Dr. Nonadel Soriano ( campus director sa Philippine State College of Aeronautics) ngadto sa iyang bana diin bisan sa iyang kalisdanan sa panglawas way adlaw nga magmika gumikan sa iyang pagka-komedyante.
Nagsugod si BongSor sa pagpanibya sa radyo niadtong sayong bahin sa 1990 didto sa Cagayan de Oro City, Misamis Oriental sa Bombo Radyo CDO, apan napugos og balhin ang maong sibyanan sa dakbayan sa Sugbo sa dihang nahulga ang kinabuhi sa mga magsisibya human sa insidente nga gilabayan og granada. Nahimo sab siyang
reporter sa dySS Super Radyo, dyHP RMN Cebu, dyWF Brigada News FM ingon man magsusuwat sa usa ka tabloid newspaper.
“He is one of my trainer sa dihang nag- intern pa ko sa Bombo (Radyo Cebu),” tipik sa pamahayag ni Atty. Ruphil Bañoc, station manager sa dyHP.
Ang pagkamatinabangon ang dili makalimtan ni Bañoc ngadto ni Soriano ug dili madinumtanon human sa conflict nga iyang masugatan.
Taliwala sa iyang pagundang sa pagsibya niadtong 2013 gumikan sa maong sakit apan padayon siyang gidagsa sa pipila ka mga tawo nga magpatabang sa ilang suliran.
Gikasubo sa iyang kaubanan sa media samtang ang uban nahinugon sa iyang pagpanaw.
Adios Bongsor!