Best friends

Dear Papa Joe,

Tawga lang ko sa ngalan nga Ingrid, 22 years old, taga Bohol. Nagsugod ning akong problema dihang nag-inom mi sa akong mga barkada uban ang akong gitawag nga bestfriend nga lalake. Nangahubog mi ug nag truth or consequence mi. Ug nag consequence mi nga mo- kiss siya nako.

Okay lang ang primiro pero dihang ni consequence na sad nga kiss, maorag nausab ang akong pagbati niya. Hangtod nga sa sige namong kuyog, kay na fall na ko niya. Inlove na kaayo ko. Gusto ko nga ako na mismo manguyab niya. Pero sa dihang nadunggan nako nga nagtabi sila sa akong amiga ug nangutana ang akong amiga niya if naa miy chance magkauyab, na shock ko sa akong nadungog gikan niya nga di daw ko niya type kay wa daw sa akoa ang hitsura nga iyang gipangita labi na tambok sad ko.

Mao ni ang akong problema karon. Mopadayon ba ko sa akong gibati ug sultihan siya sa akong gibati o di na lang? Palihug tambagi ko. INGRID Ingrid,

Ayaw lang siya sultihi. Mas maayo nga magpabilin mo friends para at the same time naa gihapon siya nimo. Kay what if mosulti ka niya unya wa diay siya makagusto nimo, mopalayo na hinuon siya nimo. Ayaw pagpakawa sa paglaum kay basin ma develop ra ang iyang feeling diha nimo puhon. Usa sa pamaagi niana mao nga magpa beauty ka ug magpa- slim ka para ma notice niya ang imong beauty sad.

Take it as a challenge, di lang para niya kon di para sad nimo kay kana alang sa imong kaayuhan. Pero kon wa gyud ni effect, mao nay giingon nga may mga bagay talaga na di dapat ipilit. Kana lang ug daghang salamat. PAPA JOE